1 Ini zwatingalebe nozwaAbhulahamu, tategulu bedu, nokwenyama? 2 Kana Abhulahamu akalulamiswa nemishingo, una nechinhu chaanozwifufumula nacho koga kusi mbeli kwaMwali. 3 Nezwo iwhalo inchena inotini, "Abhulahamu wakadimbwa kuna Mwali, nokudalo wakabalilwa sonhu wakalulama." 4 Ngweno kunoyu unoshingila, indipilo yiye aitotolwa sechipo asi sechinhu chaanokwelela kuwana. 5 Akale kunoyo usinoshinga koga ebimba yoyo unolulamisa yabo basinoziba Mwali, kuvumila kukwe kunolingwa sokululama. 6 Nezwo Davidi unoshobelela chikombolelo ponhu unolingililwa naMwali sowakalulama kusina mishingo.

7 " Balokombolelwa yabo bana zwibi zwakalekejelwa,

akale nabo banaluchinyo lulojimwa,

8 Ulokombolelwa unhu unaluchinyo lusinolangalilwa naShe.

9 Yechi chikombolelo ngechabakamhalajwa chete na kana nabasijilomhalajwa? Tinoti kudimbwa kwaAbhulahamu kwakatolwa sobululami. 10 Bwakabalilwa chini biya kwaali? Esanhu amhalajwa kana amhalajwa? Yezwi azwijakatikana amhalajwa koga esanhu. 11 Wakatambula kumhalajwa sechitondejelo kana untalo wabakalulama kwaakaba elinako mukudimbwa esanhu amhalajwa.Chinangwa chakaba chokuti beunte tate babo bose bakavumila besakamhalajwa akale kuti kululama kubalilwe kwabali. 12 Akale eli tate babakamhalajwa, nabo basaka mhalajwa koga betobela unkwejaniso wokudimbwa kwaluba na tate bedu Abhulahamu kwaakaba nako esanhu amhalajwa.

13 Chibimbiso kuna Abhulahamu nenzwalo yiye, ngechokuti balokwelela kuwana ifuma yenyika, yezwi azwijakezha nomulawu asi nokululama kokudimbwa, 14 kana beli batobeli bomulawo bachaba balyi befuma kudimbwa akuna nshingo akale nechibimbiso achitobhancha. 15 Nokudalo mulawo unobuza bukali, asi pasina mulawo apana luchinyo.

16 Ndizwo kuwhi zwinonda nokudimbwa, kutila kuti chibimbiso chinyetutukile pezhulu pechipiwo akale kupiwe bose benzwalo yiye, kusi kuna banobhatilila kumulawo asi kunaibo bose banokobelana kudimbwa kwaAbhulahamu nokuti nditate bedu tose, 17 sezwo kukakwalwa kuwhi, "Ndakuta tate benduji inji" mukuba ipo kwaMwali munaiye waakadimbwa, Iye unopa bupenyu kuna bakafa akale etukobuza mubupenyu zwinhu zwisipo. 18 Mulubimbo wakavumila kubimba kojoba pakabechisina chitondejelo cholubimbo, kuti unokwelela kuba tate benduji inji, sokubujwa kukwe kuti, "Inzwalo iyo inowanda." 19 Ajakazengelela mukudimbwa yopo paakalinga umbili uwe, wakababa sowafa nokuti waluba namakole, angaba izana kana yopo paakalangalila bumhanje bwaSala. 20 Apana kusodimbwa kwakatisa kuti elashe chibimbiso chaMwali, koga wakasima mukudimbwa epa lukujo kunaMwali, 21 eka gutisika kuti Mwali unotubula kuta zwakabimbisa. 22 Ndizwo kuvumila kukwe, "kwakatolwa kwaali sobululami." 23 Asi mawhi anoti, "kwakatolwa kwaali," aajakakwalilwa iye ega, 24 asi isu neebo. Zwinoolangalilwa kwatili isu tinovumila mwaali iye Jesu Tezi wedu wakamuswa mubafi, 25 Ndiyani iye wakabulayiwa pezhulu poluchinyo lwedu, akamuswa kuti tilulamiswe.