1 He waiata, he himene na Rawiri. Pumau tonu toku ngakau, e te Atua; ka waiata ahau, ae ra, ka himene ahau, me toku kororia ano.2 E ara, e te hatere, e te hapa: ka ara wawe ano ahau.3 Ka whakamoemiti ahau ki a koe, e Ihowa, i waenganui i nga iwi: ka himene ki a koe i waenganui i nga tauiwi.4 He nui atu hoki tau mahi tohu i nga rangi, a ko tou pono tutuki noa atu ki nga kapua.5 Kia whakanuia koe, e te Atua, ki runga atu i nga rangi: hei runga atu i te whenua katoa tou kororia.6 Kia puta tau i aroha ai, ma tou ringa matau matou e whakaora, a whakahokia mai he kupu ki a matou.7 Kua korero te Atua i runga i tona tapu: Ka hari ahau, ka kotikoti i Hekeme, ka roherohe i te raorao o Hukota.8 Noku Kireara; noku a Manahi; ko Eparaima ano hoki te kaha o toku matenga; ko Hura taku hepeta.9 Ko Moapa taku oko horoi; ka maka e ahau toku hu ki runga ki Eroma: ka whakamanamana ahau ki Pirihitia.10 Ma wai ahau e kawe ki te pa tuwatawata? Ko wai nana ahau i arahi ki Eroma?11 He teka ianei kua panga matou e koe, e te Atua? kahore hoki koe, e te Atua, e haere tahi me o matou taua.12 Homai ki a matou he awhina ki te hoariri: he teka kau noa hoki te awhina a te tangata.13 Ma te Atua tatou ka toa ai: mana hoki e takahi ki raro o tatou hoa whawhai.

1 A Song, a Psalm of David. Prepared is my heart, O God, I sing, yea, I sing praise, also my honour.2 Awake, psaltery and harp, I awake the dawn.3 I thank Thee among peoples, O Jehovah, And I praise Thee among the nations.4 For great above the heavens [is] Thy kindness, And unto the clouds Thy truth.5 Be Thou exalted above the heavens, O God, And above all the earth Thy honour.6 That Thy beloved ones may be delivered, Save [with] Thy right hand, and answer us.7 God hath spoken in His holiness: I exult, I apportion Shechem, And the valley of Succoth I measure,8 Mine [is] Gilead, mine [is] Manasseh, And Ephraim [is] the strength of my head, Judah [is] my lawgiver,9 Moab [is] a pot for my washing, Upon Edom I cast my shoe, Over Philistia I shout habitually.10 Who doth bring me in to the fenced city? Who hath led me unto Edom?11 Hast not Thou, O God, cast us off? And Thou goest not out, O God, with our hosts!12 Give to us help from adversity, And vain is the salvation of man.13 In God we do mightily, And He doth tread down our adversaries!