36 Lang bu-pwari mala pa ɓoro mala pwarikpǝra pángŋǝ̀nà ka, Iliya mǝɓangnǝa sung tù, sǝ bang ama, <<Yahweh Ɓakuli mala Ibǝrayim, andǝ Ishaku, andǝ Isǝrayila, tsǝa ɓǝ̀ aɓwana sǝlǝ yalung a Isǝrayila ama, a nda Ɓakuli, sǝ ɓǝà sǝlǝ ama, mǝ nda guro mò, sǝ ɓǝà sǝlǝ ama, amǝnia yì agir ǝn pea ka, cau mò na ǝn kpate ka. 37 Oem, we Yahweh, oem, ace mǝnana ɓǝ̀ amǝnia yì aɓwana ka ɓǝà sǝlǝ ama, we Yahweh ka, a nda Ɓakuli, sǝ a nda aban pǝlǝ ɓabumia ɓǝà nyar ɗǝm a bano.>>
38 Kara bǝsa mala Yahweh sulǝo pisǝ gir’nkila mala pisǝe kǝring mǝnia, andǝ gimsa andǝ atali, andǝ kǝkǝri, sǝ imsǝ mùr mǝnana nda aɓa dā’ngal ka.
39 Lang aɓwe sǝni ka, à kpa nzali nǝ ɓamǝsǝia. À na ama, <<Yahweh nda Ɓakuli, Yahweh nda Ɓakuli.>>