1 Wa Ọvaar Ibinọkpaabyi oben-m bẹ́, "Zọhng, kpa nnam z'kwanọng kwọ, abir atọma ọdaakẹ oyiyena amaan-ẹ, zaa wura ọdaakẹ ojinọng ọdọk-ọdọk, obira ode ọzaza. Tte ọdaak-ọ k'ose kw'anọng p'Israẹl madaakẹ Ọvaar Ibinọkpaabyi, zaa wura mabhakẹ ator aka, igbogbo s'matim grep kw'ogwu-ogwu asi, ibir idaak bẹ."

2 Ofona nya o, ndebhẹ kwanọng nwo k'ashẹkẹl ichi p'silva, ọttara barli kw'im'ofu ọgbangbang kwiden, ọmaana ogbobhmbọhk. 3 Ntek-ẹ bẹ́, "Kọ m'aruk amaan-m k'iwu k'ẹkaan; kọ ọzaza màde, iyok màbir asi amaana ojinọng kpenamkpen. Minna kw'kaam m'mbir nsi mmaan-ọ."

4 Kirẹ anọng p'Israẹl m'aruk akpen k'iwu k'ẹkaan, m'ọvaarnọng màyena, m'osonọng màyena, ẹja ofufọhnọ mèninga, ata p'awur-owur màninga, ozeng k'ẹphọd, ọmaana aka p'ẹsọhmmọr, mmàyena. 5 Z'ogbe ororo, kwuna anọng p'Israẹl m'akpa nnam, maror Ọvaar Ibinọkpaabyi, kw'ode Ibinọkpaabyi kwabẹ, ọttara Devid kw'ode ọvaarnọng kwabẹ. Minna kw'mm'atima ifufọnọ, akwu ator Ọvaar Ibinọkpaabyi, mabira atọka ẹda chẹ k'okpongannamgbe.