Mateus 14

Yesu ayakedji bami koto itano

13 Ehole eokaka Yesu gala emina, adongaka ena atiteaka ta bwato bɛngi akɛ ta etengelenge. Endolo emumu e bato bamookaka, baimanaka ta ngando i mbuti ko bakimanaka Yesu na mako. 14 Ta ehole eduboaka Yesu ta bwato, aenɛkɛ emumu e bato, alumaka na ndjokwa tina e bato bamina ko abangaka bobaheledja na bipeko bi bobo.

15 Ehole eimeaka mɔmɔkɔ, batingami ba Yesu babatamaka mbuti na nde ko babalaka: «Ehole esi ko polo ye edi etengelenge. Yanedja bato bi bɛngi bakɛ asomba leka loboyaka ta ngando.» 16 Endolo Yesu abasɔmbedjaka: «Editi bopele bayane, ino bɛnɛ bapani mia ma boyaka!» 17 Endolo Batingami bamosɔmbedjaka: «Lodi iya oto na miɛmbɛ mitano ko na swi babae.» 18 Yesu abalaka: «Duani na lu.» 19 Apaka simbisi adi bato badae ta ndjani; ngɔngɔ atombaka miɛmbɛ mitano ko na swi babae, aangɔdjɔkɔ miso o diko ko asɔmbedjaka misakoa adi Ndjakomba. Abukaka mwɛmbɛ ko amopaka adi batingami ko batingami bakabaneaka emumu e bato. 20 Moto mosusu ayakaka ko agolaka. Batingami bandoaka mitinga domi na babae mi bikengakengi ibidikaka. 21 Bato i bayaaka badaka bami mbuti na koto itano, pɛ botukoa bali na bana.