MATAYO 8

Yesu aheledji bami ba miembo mibe

28 Ehole eimeaka Yesu ta dɔngɔ ikina i ibeke, ta ekenge e mokpɔtɔ mo Gadala*8, 28 Gadala edaka ibonga i bato ba bikomi bi bakɛndɛli, idaka mbuti na taka kilomɛtɛlɛ 10 ta pamba ekasame modaka akime mo ta duwa enɛnɛ e Gesemane kaoko Galilea. , bami babae baimaka ta ndanda e makila ko baduaka bosakana na nde. Bami bamina batungeamaka na miembo mibe; badaka bato ba bobila ko bato badaka na bɔɔ e bonɔ ta ndjea emina. 29 Bagamaka: «Tina ndani odoi akwea ta midjɔ mi biso, Mwana o Ndjakomba? Odoi iya tine boloyekea boso bo ehole ebɔngedjama?»

30 Enakobea oho bwela bo ngulu*8, 30 Endja pongono ta Mal 5, 11. idaka boyaka. 31 Miembo mibe miongɔnɔkɔ Yesu: «Lobengana bohali adi bwela bo ngulu.» 32 Yesu abalaka na miembo mibe: «Imanani!» Miembo mibe mimanaka ko mikweaka ta bwela bo ngulu. Mbala emɔti, bwela bosusu bo ngulu botitaka bodonga ta ikoli mbunoko bodindaka ta duwa. 33 Babanei ba ngulu batiaka; bakɛkɛ ta ibonga bopa gala e meako misusu iminɔmɔkɔ ko moda ndani mohelaka na bato bia i batungeamaka na miembo mibe. 34 Na bea bato basusu ba ibonga baimaka ta bosongana na Yesu. Ehole eimeakabo mbuti na Yesu bamongɔnɔkɔ aimane ta mokpɔtɔ mo bobo.