1 Ngɔngɔ dji masu masato, tɛkɛ e moki edaka ta Kana, e Galileya. Ko nange e Yesu adaaka ena, 2 ko babeaka pongono Yesu na batingami ba nde ta tɛkɛ emina e moki. 3 Ta ehole emɔti iboa, vino esia. Nange Yesu amotɔndea bo: «Baditi na ikina na vino.» 4 Endelo Yesu amosɔmbedja bo: «Mwali, edii wɛ moto otɔndeakadeani modjɔ mobwani mbi bokɔ? Ngonga e mbi epakinaimea.» 5 Iboa nange e Yesu atɔndea basali bo: «Kɔɔni midjɔ misusu imi miotɔndeadeani iyo.» 6 Mindungulu misamano mi mabanga midaaka ena na madiba tinae Bayudha ta momɛsɛno mo bobo mo bosasɛnodja. Momɔti ta tei e mu mokweaka litele mokama. 7 Yesu abala na basali bo: «Lumedjani mindungulu na madiba.» Ko bamilumedja botɔɔ. 8 Iboa Yesu abala na bu bo: «Edɛdiye bongani mboka ko pani na kapita o tɛkɛ.» Bakɔ oko iboa. 9 Kapita o tɛkɛ ameka madiba imi makindoa vino. Aidjebaka esika edongaka vino emina, endelo basali baloka madiba badjebaka. Abea moto osɔkɔ mwali 10 ko abala na nde: «Moto mosusu akapɛ vino epele boso, ngɔngɔ djimina, bato bakalangoa, bakapɛ iyee e bopɛtɛpɛtɛ. Endelo wɛ, odedji vino epele mbunoko edɛdiyeye!» 11 Iyena edaka, modjɔ mo bokamodja mo Yesu mo mbangi akɔɔ ta Kana, e Galileya; ainedja pongono ekumu e nde, ko batingami ba nde bamodhimea. 12 Ngɔngɔ, akɛɛ ta Kapalanaumu*2, 12 Boindja Mat 4, 13. engbanga emɔti na nange e nde, bangibato ba nde ko na batingami ba nde. Badaa iho ba masu.

13 Tɛkɛ e Pasika e Bayudha eimeaka mbuti ko Yesu aiwea ta Yelusalɛmɛ*2, 13 Boindja Boi 12, 1-27.. 14 Ta Tepelo, Yesu atanea bato batɛkɛkɛ ngɔmbɛ, bhata ko na bimbenga, ko bato badaaka basɔmbɔtɔnɔ palanga pongono badii ta mesa djibobo*2, 14 Boindja Mal 11, 15 ko na nase.. 15 Iboa, akɔɔ mobalake na mikpulu ababengana ibo basusu ta Tepelo, na bhata ba bobo ko na ngɔmbɛ ba bobo, anangakaka palanga dji bato ibia basɔmbɔtɔnɔkɔ ko akukea mesa dji bobo; 16 ko atɔndea bato ba mimbongu mi bimbenga bo: «Dongedjani leka lo bino losusu iya! Pɛ bohombedjani ndako e Sesa ndako e mombongu!» 17 Batingami bande balɛnɛkɛ na mɛko imimi mikomamaka ta Makomi bo: «Ah Ndjakomba, epaeli e mbi tinae ndako e wɛ, eangodjadeani molema*2, 17 Ndj 69, 10..» 18 Iboa bakondji ba Bayudha bamowadja bo: «Embete e bokamodja ekɔdea wɛ nda bɛngi oloinedje bo odii na bokondji bo bokɔ mɛko imi?» 19 Yesu abasɔmbedja bo: «Bukani Tepelo iye, ko ngɔngɔ dji masu masato naetongadea naikina*2, 19 Boɛngɛ Mat 26, 61; 27, 40; Mal 14, 58; 15, 29..» – 20 Bayudha bamosɔmbedja bo: «Tepelo iyeye baetonga bianga tuku inɛi na basamano, ko wɛ, oetongadea naikina na masu masato*2, 20 Botongama bo bokina bo tepelo bobangaka ta yanga e 20 boso bo Yesu bobotama, ta ehole e bokondji bo Elode o Monɛnɛ.?» 21 Endelo tepelo ebalaka Yesu, edaaka wɛtoko mokuku mo nde. 22 Ngɔngɔ dji mina, ehole esisoa Yesu ta bogwa, batingami ba nde balɛnɛ mɛko mibalaka iyo; ko badhimea Ikomi ko na mɛko mibalaka Yesu.

23 Ehole edaaka Yesu ta Yelusalɛmɛ, ta eyenga e Pasika, bato banɛnɛ bamodhimea naboɛnɛ midjɔ mi bokamoa mikɔkɔ yo. 24 Endelo Yesu aibaisaka molema, modjɔ mo abadjebaka ibo basusu bopele mɛnɛ. 25 Yesu aidaka na tina e bo bamotɔndee mɛko mi bato, modjɔ mo adjebaka eka esusu edii ta tei e molema mo moto.