Lucas 18

Rangbikedi hemipui samgwa

1 Cidau pa samgwa ge rang penui dage dainzwa eh penui kiebam muilu maisiabi nah helung ceudi melu kerane, 2 rang eh, "Namdi ge ga hetuketiakme ge Tinggwang de hing ma nah mina de de mapei la kemakge bamla. 3 Nah namdi cika hemipui ge bamla, nah pa peda gwang bamla, rang eh, ‘A ngauraume dade a kum rangbeu lo.’ 4 Nah peting ketieege pa cide teineu mene la, dede kekamle pa pekatei pecu mpau eh, ‘Ih Tinggwang de hing ma mede mina de mapei meliede, 5 aipau hemipui de acu keliau au lu, Ih pekum rangbeu dizie, iciude pa ada gwang sap eh acu kelei tset dilak kerane.’" 6 Cidau Rampaube pe caisuime de rangdi, "Kingneilu, hetuketiakbe masang kemakpe kerang samde. 7 Tinggwang pane kedet kelume pedage tingmui tingba mra gai kebamme kum ranglak ni? Pa peting teuntie di zieni? 8 Ih nnui dage ranglia zie, pa penui kum rang zette beuzie. Ciciu de Mina Nabe kegwangdau pa kideu ga kenlum bam eh ngaulu zieni?"