1 Mina aidungde Ziklag ga David da gwang kecume, pa Kish napei Saul dwade mbai la kecu dau. Penui au reugwamedung kakga de, hereu ga pecu kenghamedung. 2 Penui au lakpitsidung pwabam nah penui hile nah zetle ba gade lakpitsidung kap lula nah tangtsudungde sam lula. Penui au Benjamin leuhme, saul kibaumedung. 3 Kedime cai Ahiezer, pecai Joash, Gibeahme Shemaah napei kena. Azmaveth napei, Jeziel penai Pelet de la. Anathothme Jehu, Berakah de sila, 4 Gibeahme Ishmaiah, hang camrei kakgade reugwame ge (nah camrei muiteube); Jeremiah, Jahaziel, Johanan, Gederahme Jozabad, 5 Eluzai, Jerimoth, Bealiah, Shemariah, Haruphme Shephatiah, 6 Korahme Elkanah, Isshiah, Azarel, Joezer, Jashobeam, nah 7 Joelah nah Zebadiah, Gedorme Jeroham napeidung.

8 Gad leuhme kangge hetaideu ga kengkiengbam gade David de ncütlu. Penui au reugwa keyime ge, regi kera mtei kelume, hegeu nah hengei teu kecime; penui zudung au hinghodung zudung nzwa ngau hing. Penui au lamlwatu ga hetidung mzet kela nzwa mzet. 9 Cika Ezer muiteube, Obadiah pe kenabe, Eliab pe kecumbe, 10 Mishmannah pe mdaibe, Jeremiah pe mengeibe, 11 Attai pe herokbe, Eliel pe henabe, 12 Johanan pe hesetbe, Elzabad pe hekuibe, 13 Jeremiah pe kereibe, Makbannai pe kereiehketbe la. 14 Gad napei aidungde reugwame muiteumedung. Camtude mina haige de teuswa, nah ditube mina cang ge de teuswa. 15 Raitube kei dau penui Jordan kahlu, hereuki kung dui lwa pui kebam dau, nah chabak ga lungh kebamme pelane, naimiak kepetle bie de nah naimiak kenlütle de gwa gidi.

16 Benjamin penai Judah leuhme kangge David kebam kengkiengbam ga gwanglu. 17 David penuide mie redau nah penui dage ranggai: "Nnui kezuyi gade acu ngha kera a da gwangla cai, nnui acu ncüt lubui. Dede nnui acu a ngauraume ba gage tuigai beu kera gwangla cai, peu anui paume Tinggwang de peu ngau eh nnui de kesiu lulo, kedanemene Ih magede tei mau melu." 18 Ge Amasai reu Rabe gwangdi, pa mina camrei reu kedibe. Amasai rangdi, "David, anui au ngu. Anui au n lam sap lie, Jesse napei. Kezuyi, peu ncu ngha kelame da kezuyi bam lulo. Peu ncu kenghamedung da kezuyi bam lo, kedanemene n Tinggwang ncu ngha bamlu." Cidau David penuide luu kelu teilu nah penuide pe minadung reu muiteudung teilu.

19 Manasseh leuh gade kangge David lambie gwang di, pa Saul de ngngwa regi kerane Philistinme de ngngwa pet kela dau. Dede penui Philistinme de ngha ma, kedanemene Philistinme kedimedung penui hangge ge de kesuizwa lwe David de langgi kedine. Penui rangdi, "Pa pe mpaube Saul lambie miedi eh anui teilung kerehim gage kai dizie." 20 Pa Ziklag ga kemie dau, Manasseh leuh gade minadung pecu ncüt kelumedung cai Adnah, Jozabad, Jediael, Michael, Jozabad, Elihu, nah Zillethai, Manasseh leuh gade pecang reu kedimedung. 21 Penui David de ngha eh gwaketang kela maa de regi, kedanemene penui reugwamedung kecune. Pecai penui reugwame reu muiteume tei di. 22 Tingba ramsangne, mina David de ngha kera pe da gwang, reugwame kiee sütdi cu kecang, Tinggwang reugwame nzwa.

23 Aide hereu tei kerane reugwame mtei kelu rau kenzeu, Hebron ga David da gwang kelume, Saul gwangram tei keli pwa pe da kaidi kerane, RAMPAUBE pe sam pet kebeu nzwa. 24 Judah leuh gade hereu ziemne mtei kelu, hegeu nah hengei kepwame cai 6,800. 25 Simeon leuh gade cai mina 7,100 regi kerame bam. 26 Levime gade cai mina 4,600 regi kerame bam. 27 Jehoiada au Aaron leuhmedung gu muiteube, nah pe da mina 3,700 bam. 28 Zadok rehang nage, ngkieng, nah kuusüt cu pei ge, pe da au pe pei kelak gade muiteumedung hang ngkaiehkena bam. 29 Saul leuh, Benjamin gade cai cangcum. Cu kecang Penui kekiee ge Saul da masang eh lungh ladi. 30 Ephraimme gade cai mina 20,800 regi kerame bam, penui au penui peimedung kelak gade kemlangme. 31 Manasseh leuh pempie gade mina kemlangme cang kereieheset ge bam, David de hegwang teibeu kera gwang kecume. 32 Issachar leuh gade, muiteume haina, Israel daipai tei maisia bi nah cide peting siakdau tei kera ci kebamme bam. Penui kibaume pelane penui kangga la. 33 Zebulun leuh gade mina cang riakngei ge regi kerame, hereunet pelane teu hereu tei kera mtei kelume bam, nah penui kesamsang teipang teipop di kelak pwa peu kera mtei lu. 34 Naphtali leuh gade kedime cang ge bam, nah penui da mina cang camreiehhena hegeudung nah hengeidung kepwame bam. 35 Dan leuhme gade mina hereu tei kera mtei kelume 28,600 bam. 36 Asher leuh gade mina hereu tei kera mtei kelume cang riakdai bam. 37 Jordan kedale mbie gade, Reuben leuhme, Gad leuhme nah Manasseh leuh pempie ge gade, hereu nia ketsamtsam leune kai lwe hereu tei kera mtei kelume mina 120,000 bam.

38 Reugwame aidungde pelane, hereu tei kera mteilu eh David de peu Israel pelane reuga hegwang teibi kera mning eh Hebron ga gwang. Israel ga mina kebangme pelane David de hegwang tei kera ngngwa ket teilu. 39 Penui David de ngngwa cika tyei nah sak eh lang cumne bam, penui kibaume penuide ketyei kesak mteilwe langgai kebeu ziemne. 40 Cipau reude, penui de kenna ga kebamme, Issachar nah Zebulun nah Naphtali deige gade, tangku penui gadadung, utdung, gadanadung, nah hetumseu, nah tangzüttsi tangku, kubetsi kekibe dui, zau, maca, hetumseu, nah meurün punglwe gwang, kedanemene Israelme hengyi kebamne.