1 Hezi kerau aidungde Israelme kelak muiteumedung, pehai nah pecang reugwamaa muibedung, nah reugwamaa reu kedime hegwangpei kangga heta ketsamtsam keteime de si. Reugwamaa mzi ketsamtsam keige cai keige eh mmi ge heta tei gwang. Reugwamaa ramsang ga mina cang ngkaiehmdai bam. 2 Kei raitube ga aja keteube cai Zabdiel napei Jashobeam. Pe mzi ga mina cang ngkaiehmdai bam. 3 Pa au Perez leuhme ge nah kei ge bekei ziemne regwame kedime pelane de pie rengei. 4 Kei na bekei aja keteube cai Dodai, Ahoah pautsa dade lungh nghung kelu. Pe kangga cai Mikloth. Pe mzi ga mina cang ngkaiehmdai bam. 5 Kei cum bekei regwamaa muibe cai Jehoiada napei Benaiah, cingkupei ge nah muiteube ge. Pe mzi ga mina cang ngkaiehmdai bam. 6 Aide Benaiah, pa cai camrei, nah camrei reu muiteube. Pe napei Ammizabad pe mzi ga bam. 7 Kei mdai bekei ziemne reugwamaa muibe cai Asahel Joab sinabe. Asahel napei Zebadiah ne pecai reugwamuibe teilu. Pe mzi ga mina cang ngkaiehmdai bam. 8 Kei mengei bekei reugwamuibe cai Shamhuth, Izrah leuhme ge. Pe mzi ga mina cang ngkaiehmdai bam. 9 Kei herok bekei Tekoa gade reugwamuibe cai Ikkesh napei Ira. Pe mzi ga mina cang ngkaiehmdai bam. 10 Kei hena bekei Ephraimme gade reugwamuibe cai Helez, Pelonme. Pe mzi ga mina cang ngkaiehmdai bam. 11 Kei heset bekei reugwamuibe cai Sibbekai, Hushathme, Zerah pautsa gade lungh gwang kelu. Pe mzi ga mina cang ngkaiehmdai bam. 12 Kei hekui bekei reugwamuibe cai Abiezer, Anathothme, Benjamin leuhme gade. Pe mzi ga mina cang ngkaiehmdai bam. 13 Kei kerei bekei reugwamuibe cai Maharai, Netophah namdi gade. Zerah pautsa gade lungh gwang kelu. Pe mzi ga mina cang ngkaiehmdai bam. 14 Kei kereiehket bekei reugwamuibe cai Benaiah, Pirathon namdi gade, Ephraim leuhme gade. Pe mzi ga mina cang ngkaiehmdai bam. 15 Kei kereiehkena bekei reugwamuibe cai Heldai, Netophah namdi gade, Othniel pautsa gade lung gwang kelu. Pe mzi ga mina cang ngkaiehmdai bam.

16 Aidungde Israel leuh muiteumedung: Reuben leuh gade, Zichri napei Eliezer ne muiteube. Simeon leuh gade, Maacah napei Shephatiah ne muiteube. 17 Levi leuh gade, Kemuel napei Hashabiah ne muiteube, nah Zadok ne Aaron leuhme de teuswa beu. 18 Judah leuh gade, Elihu David sinabe hangge, ne muiteube. Issachar leuh gade, Michael napei Omri ne muiteube. 19 Zebulun leuh gade, Obadiah napei Ishmaiah ne muiteube. Naphtali leuh gade, Azriel napei Jerimoth ne muiteube. 20 Ephraim leuh gade, Azaziah napei Hoshea ne muiteube. Manasseh leuh pempie gade, Pedaiah napei Joel ne muiteube. 21 Gilead ga Manasseh leuh pempie gade, Zechariah napei Iddo ne muiteube. Benjamin leuh gade, Abner napei Jaasiel ne muiteube. 22 Dan leuh gade, Jeroham napei Azarel ne muiteube. Aidungde Israelme leuhdung muiteumedung. 23 David mina mmi ngkai mede ciswa kehename de pei mah, kedanemene RAMPAUBE Israelme de tinggim ga hegidung nzwa kieege teibeu zie lie pe sam pet kebeune. 24 Zeruiah napei Joab mina de pei cuh, dede cide teicang lumah. Aide ziemne Israelme da Tinggwang rata gwangdi. Hegwangpei David kerau laisiu gage dai kieege siak bi kecu raupwa lama.

25 Adiel napei Azmaveth Hegwang gu mabamdung pie rengei la. Uzziah napei Jonathan luhdung ga, namdidung ga nah renamdung ga, nah kudadung ga mabam kidung pie rengei la. 26 Kelub napei Ezri hangdeu heta ketamedung reu pie kerengeibe. 27 Shimei Ramahme, kubeluh dungde pie, nah Zabdi Shephamme, kubetsi nah zaukidung de pie. 28 Olive bangdung nah caimun bangdung langkie ga kebamdung reu cai Gederme Baal-Hanan, nah maca kekwaki reu cai Joash. 29 Sharon langkie reuga kebam ketumdung cai Sharon gade kegwang Shitrai, nah langkamdung reuga kebam ketumdung cai Adlai napei Shaphat. 30 Utdung reu cai Obil Ishmaelme, nah gada puidung reu cai Meronoth gade Jehdeiah. Hemeudung reu cai Jaziz Hagritme. 31 Jaziz Hagritme, hemeudung de pie rengei la. Kedime aipaudung pelane Hegwangpei David mabam pie rengei la.

32 Jonathan, David pei sinabe cai keledeube, pa au makecime nah laisiu kecime kecune. Hakmoni napei Jehiel hegwangpei napeidung de pie rengei. 33 Ahithophel cai hegwangpei keledeube, nah Arkme pei Hushai cai hegwangpei gu kengkim keledeube. 34 Ahithophel bam de Benaiah napei Jehoiada ne nah Abiathar ne leu pwadi. Joab ne hegwang reugwamaa muibe tei.