1 Peting tiemene aipaucai Ammonme gwangpei, Nahash tsaidi, nah iciu eh pe napei pe bam leu eh hegwang teidi. 2 David ranggai, "Ih Nahash napei Hanun dage kehungta teigai zie, kedanemene pe pei a dage kehungta tei kegaine." Cine David pe pei tsai kedine pe lung tau mla kera samgwame de langgai. David kilame Ammonme deu ga gwang canglu delwe Hanun da suisiet sam pau kera gwanglu. 3 Dede Ammonme muiteumedung Hanun dage rangdi, "David mina de n lung tau mlalu kera lang kegaine pa n pei de kerüt peu au lie nang cetla ni? Pe kilamedung hangdeu pie nah ncetlwe cide gwalu kerane n da gwangla meni?" 4 Cine Hanun David kilame de tuilu, penui tangkeimaidung taidi, penui painidung penui kia ga kecang, penui ndang ga kecang dumtüt di, delwe penuide langgi di. 5 Penui aide David dage pau kegai dau, pa penuide redau kerane mina de langgai, kedanemene penui ngngam ham kedine. Hegwangpei rangdi, "Nnui tangkeimai bwa cuh dailu kemaktane Jericho ga bam lulo nah ciciu lude cailigwang lu."

6 Ammonmedung David ngaurau teikedi cilu ge, Hanun nah Ammonmedung Naharaim, Maacah nah Zobah gade Aramme bagidung nah hekwen keteume de liteu gwang kera rangkanggeu talent cangge langgai. 7 Penui likelu bagidung cang camreiehkena nah Maacah gwangpei nah pe reugwame, penui Medeba dwa ga gwang ramzeuki teilu. Ge Ammonme penui namdidung gade gwang ngkwalu delwe regi kera petlu. 8 David cide siulu ge, pa Joab nah pe reugwame pelane de penuide dau kera langgai. 9 Ammonme hereu tei kerane namdi kirieki ga pet sap twagwalu, nah hegwangpeidung gwang kebamme penuikatei langkie ga penui bam mteilwe bamdi.

10 Joab ngauraume reugwa maadung pedwa pecai twagwa kebam ngaulu ge, pa Israelme reugwa yitume kangge de kedetlu delwe Aramme de mcwa eh penui bam mteilu. 11 Reugwa kedamedung pelane de, pa pe sinabe Abishai de peu kezeu kera kaidi, nah pa penuide Ammon reugwame de mcwa lwe penui bam mteilu. 12 Joab rangdi, "Magade Aramme a ziemne ngkieng süt dicai, iciu cai nang, Abishai, acu kelibeu maisia. Dede magade Ammon reugwame n ziemne ngkieng süt dicai, iciu cai Ih gwang delwe ncu kelilu zie. 13 Ngkieng saplu, nah anui minadung nah anui Tinggwang namdidung ziemne anui laikai tei eh kuu saplu go, kedanemene RAMPAUBE pe dwa gade petaube tei zielu." 14 Cine Joab nah pe reugwamaa reugwamedung Aramme de gwaketang lüt, ge penui Israel reugwame dwa gade pakdi. 15 Ammon reugwame Aramme pak kedi ngaulu ge, penuide Joab sinabe Abishai dade pakdi delwe namdi be gage cailigwang di. Cidau Joab Ammonme dade cailigwanglu, delwe Jerusalem ga cailigwang di.

16 Arammedung penuide Israelme ne ngamkedi ngau luge, penui Euphrates Reuki lulegim de kengha ngngwa gwanglu, Shophak ne Hadadezer reugwamaa muibe tei eh kebamme de. 17 David de aide pau kebeu dau, pa Israelme pelane de ngngwa hekwalu, Jordan kahlu, delwe penuide gwang mcwalu. Pa Aramme de regi kera reugwame bam mteilu, nah penui pecu regi. 18 Aramme Israelme dade pakdi, nah David Aramme bagiketeume cang hena nah hepi reugwame cang riakdai de teitsetdi. Pa Shophak, reugwamaa muibe de de teitsetdi 19 Hegwangpeidung Hadadezer kangga kebamme pelane penuide Israelme ne ngamkedi ngau luge, penui David de ngngwa kezuyi teilu delwe pe kangga lunghdi. Cine Aramme Ammonme de ngha dai neu tadi.