प्रेशित 2

पेत्राआ संदेश

14 तेहेलाम पेत्र तियां ईग्यार प्रेशितोंअरी उबू रोयुन आअड़ीत कोइत कोनु वोल्यू, "ए यहुद्यां आन ए आखा येरुसालेमोमेहें रोनारां, ओं जाईंत ल्या, तुमू कान देत माआं गोठी उनाआ. 15 जेहलोहो तुमू होमजीइतेहे, तेहेलेहे एं माअहें साकवाले कायनाहां; काहाके ओमे तोम वेगर्‍येए नवुज वाजतेहे. 16 पोने, ए तोम ते गोठ होये, जे योएल भविश्यवक्ते कोयीते:

17 "देव कोहे के, सेलवार्‍याअ दिहोमेहें एहलोहो ओवे के,

आंय माआं आत्मा आखा माअहूं पोअ ओली देहीं,

आन तुमाआं पोर्‍या आन तुमाआं पोर्‍यी भविश्यवाणी कोए,

आन तुमाआं जुवान पोर्‍याहां दर्शन जोड़े,

आन तुमाआं डायहांहां होप्ने पोड़े.