मत्तय 14

ईसु पाअयों पोअ सालत्लू

22 ताहां ईसु ताबुड़ तियाआ सेलाहा नावड़ामेहें सोड़ीत तालावोअ तियी तोड़े जाय तेहें काजे कोयो. ताअहूं जाआं तो माअहुंहूं वाटे लागाड़नारु ओतू. 23 तो माअहुंहूं वाटे लागाड़ीत कोइत, प्रार्थना कोउ बिहीरा डोगोपोअ जातु रोयू; आन हांजे पोअ तो एखलुज ओतू. 24 ताहां नावड़ो दोऱ्याअ विसमेहें सेलका वाअहीं आलतोतो, काहाके वारो सामनेए वोल ओतो.

25 आन ईसु रात्र्युउ तीन ते सोव वाजता पाअयों पोअ सालतूज तियांआं जागे आयू. 26 सेला तियाहा पाअयों पोअ सालत्लाहा देखीत बित गोया. आन कोना वोल्या, "ओ पुत होय!" आन बिके वाअहीं किगला वोल्या.

27 ताहां ईसु तियांअरी लगेज गोठी कोअयी आन कोयो, "हिम्मत मिका! आंय होय, बिहा मा!"

28 पेत्र तियाहा कोयो, "प्रभु, जर तूज ओय, ताहां माहूं ताआ जागे पाअयों पोअ सालित आविइलोअ आदेश आप."

29 ईसु तियाहा कोयो, "आव!" ताहां पेत्र नावड़ा पोअ रोत उतरीत ईसु जागे जाअलो काजे पाअयों पोअ सालु वोल्यू. 30 पोन वादुहू पालीत बित गोयू, आन जेहेलाम बुडू वोल्यू तेहेलाम आअड़ीत कोयो, "प्रभु, माहूं वासाड़!"

31 ईसु लगेज आथ आगाड़ी कोइत तोइत लेदू आन तियाहा कोयो, "ताआ विश्वास केतुहू कमी होय! तू काहा सौंसू कोअयू?"

32 जाहां ते बेनू नावड़ामेहें सोढीत लागा, ताहां वादुउ आल्हात गोयू. 33 ताहां सेला जे नावड़ामेहें बोहीत रोया ते ईसुउ पागे पोड़्या आन कोयो के "तू खोरीज देवोअ बेटुह्हू होय."