Mateus 16

फरिसी आन सादूकीइ खमीर

5 सेला दोर्‍याअ तियी मेरे पोत्या, पोन ते रोटू लेअलाआ विहराइत गोयाते. 6 ईसु तियांहां कोयो, "पाला, फरिसी आन सादूकीइ खमीरोप रोत सांबालित रोजा."

7 ते तियां तियांआंज विसार कोआ वोल्या, "आमू रोटू नाहां लेत आवया तियाहा काजे ओ एहें कोहे."

8 ओं जाइंत ईसु तियांहां कोयो, "तुमाआं विश्वास केतुहू कमी होये! तुमू तुमा तुमाआंज काहा विसार कोअताहा के आमापोअ रोटू कायनाहां? 9 केहें तुमू ओमे जाआं नाहां समज्या? केहें तुमुहूं तियां पास रोटा वाअहीं पास हाजार माअहें खात कोइत तुमू केतेहे टोपले पोइत रोटू विशू तों ओर कायनाहां के? 10 आन तियां हांत रोटा वाअहीं शार हाजार माअहें खात कोइत तुमू केतेहे टोपले विशेते? 11 तुमू काहा ने समजीइत्ला के आंय तुमुहूं रोटाआ बाप्तिमेहें नाहां कोयो, पोन ओं के तुमू फरिसी आन सादूकीइ खमीरो पोअ रोत सांबालित रोजा."

12 ताहां तियांहां समजाअयो के तिये रोटाआ खमीरो पोअ रोत नाहां, पोन फरिसी आन सादूकीइ हिकवोणो रोत सांबालित रोय तेहें कोयोतो.