Mateus 5

आशिर्वादोअ वसन

3 "‘जें आत्मामेहें गरीब होय, तियांआं हाजो होय,

काहाके होरगाआ राज तियांआंज होय;

4 जें तारास कोअतेहे, तियांआं हाजो होय,

काहाके तियांहां होक जोड़े;✝5:4 यश 61:2

5 जें नम्र तियांआं हाजो होय,

काहाके तें धरतीइ आधिकारी बोणे;

6 जें सतीपणोअ काजे फुकल्ये आन तोरह्ये होय तियांआं हाजो होय,

काहाके देव तियांहां तारवे!✝5:6 यश 55:1,2

7 जें दयालू तियांआं हाजो होय,

काहाके तियांपोअ दया ओवे!

8 जें मोनोमेहें सोके होय, तियांआं हाजो होय,

काहाके तें देवोहो देखे;✝5:8 भजन 24:3

9 जें होमजाड़ीलाआ काम कोअतेहे, तियांआं हाजो होय,

काहाके तियांहां देवोअ पोर्‍ये कोये.

10 सतीपणोअ काजे जियांहां तारास ओवू, तियांआं हाजो होय.

काहाके होरगाआ राज तियांआंज होय;’

11 "जाहां माआं काजे माअहें तुमाआं विरुद्धामेहें गोगे, तारास देय आन तुमाआं विरुद्धामेहें आखी जातीइ खाराब लबाड़ी कोइत गोगे, ताहां तुमाआं हाजो होय. 12 मोज्या कोआ, खुसीवाअहीं उसला, होरगामेहें तुमाआं इलाम वोडू होय; काहाके तुमा रोत पेल जे भविश्यवक्ता ओत गोया, तियांहां तियां एहेंज कोइत दुख वेठाड़्यो.✝5:12 प्रेशित 7:52