Mateus 18

पाप ढान्या दाज्यूभाई या दिदीबैना

15 "यदि न दाज्यूभाई या न दिदीबैनाले न बिरोदत पाप ढोदा भन्या, हिनस्यु झेन नेंलोअयाएज झेनलेऊक नकाल दोस थनस्यो। नकाले न छेन थएदा भन्या, न दाज्यूभाई या न दिदीबैना नमी ताइदा।✝18:15 लूका १७:३ 16 तर नकाले माथएदा भन्या ओलसं तोलोअ या नेंलोअजन लाङ ओटन नेंलोअ अथाबा तिन जना साचीयाङ्ङन सोगलै छेन पक्का ग्याताइत्या।"✝18:16 ब्यबस्था १९:१५ 17 यदि ओले नकाङल छेन थटौ माभन्दा भन्या, मन्डलीयाङजन पानस्योचिरते। नकाले मन्डलीला छेन बै माथएदा भन्या, नका न नाल्ट गैरयहूदीयाङ सनर तिरो उठाइन्यामन्जै ग्याताइत्या। 18 "ङा मछ्यु जेजन ऐढाच्या, जे पिरथ्बील जो पोअच्यो, नका स्वर्गत पोअन्यालेसिया। ओटन जे पिरथ्बील जो पलाअच्यो नका स्वर्गत पलाअन्या लेसिया।"✝18:18 मत्ती १६:१९; यहुन्ना २०:२३ 19 "ङा मछ्यु फरि जेजन पानस्याच्या, पिरथ्बील जेमध्य नेंलोअ जो छेनत सहमति ताइस्यु कोबाअ नीदुच्या भन्या, ना स्वर्गला ङा बौङन जे नाल्ट ताइन्यालेया, 20 दानाङभन्या जोङ नेंलोअ या तिनगोटा ङा मिनत दुउसिर, ओङ ङा नकाङल खार्ल ताइङा।"