Mateus 21

येशुले ड्यूल टुङजन आसरापिन्या

18 तयोअका छकाल्याई यरुशलेम सहरदेए आवलज्याऔक येशु करेव। 19 यमल वङक ओले तोलोअ ड्यूल टुङ आरङौ। ओटन नका टुङ लेऊक रांऔ, तर नकाल ल्हापटा बाहेक अपुर नैज मारङदा। तब नकाजन आढोव, "आब आटनपार नङत खकै शई तासैईत्या" ओटन ना ड्यूल टुङ ओचोएटै राङौ। 20 नका रङस्यु आ सिइयाङ अचम्म मानिस्यु ऐलेवाङ, "ईका ड्यूल टुङ कडाई ओचोएटै राङौ?" 21 येशुले नकाङजन ऐआढोवाङ, "ङा मछ्यु जेजन ऐढाच्या, यदि जेल्योङ बिस्वास लेकन सनर खकै सङ्का माढोच्योकन, ड्यूल टुङजन जोमन जाएसिऊ नवाए याएज माङडी, तर ईका डान्डाजन बै ‘भोइस्यु समुन्दरल तेहन्ते’ ऐढोच्योकन नैजै ताइन्यालेया।✝21:21 मत्ती १७:२०; १कोरिन्थी १३:२ 22 यदि बिस्वास ढास्यु प्रार्थनाल जो नीच्यो ना जे डोएन्यालेच्या।"