शत्तुरयाङजन मया ढोचिरते
43 "जे ऐटाइन्या थएस्यु जेल्चिऊ, ‘जे जे डेराबाराजन प्रेम ढोचिरते, ओटन जे शत्तुरयाङजन सज्युचिरते।’5:43 लेवी १९:१८ 44 तर ङा जेजन ऐढाच्या, जे शत्तुरयाङजन प्रेम ढोचिरते, ओटन जेजन सटाइन्याङल नाल्ट प्रार्थना ढोचिते, 45 ओटन जे स्वर्गल लिज्यान्या जे बौल ज़ायाङ ताइन्यालेच्या। ओले घुर्बीयाङ सनर सज्जनयाङ नेंलोअझन्जै नमिउल मुन योंवरा, ओटन सोझा सनर पापी नेंलोअजन नम्वाई योंवरा।"5:45 लेवी ४:१० 46 दानाङभन्या यदि जेजन प्रेम ढान्याङजन याएज प्रेम, ढोदुच्या भन्या जे नैल इनाम जेडोएचिऊका? नैति तिरो उठाइन्याङ बै नैजै मालेवाङ का? 47 नैताइस्यु जे बिस्वासीयाङजन याएज जडौ ढोदुच्या भन्या अपुऱ्याङतन बढि नैति जेढोचिऊ का? ओक्या गैरयहूदीयाङै बै नैजै मालेवाङ का? 48 नैताइस्यु जोमनलेस्यु स्वर्गल लिज्यान्या जे बौ सिद्द लेऊ, जे बै नामन्जै सिद्द ताहौपरिया।5:48 लेवी १९:२; ब्यबस्था १८:१३
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)