दुस्टआत्मा लागिन्या नेंलोअ रुनें
28 जब येशु दहल हुदिफन्ट गदरिनीयाङल प्रदेसलं रांऔ, तब दुस्टआत्मा लागिन्या नेंलोअ रुनें ऊईलन नेराज्याऔक ओलसं डोएसिऊने। नकाने आवाए छ्याइला लेऊने, कि काङ्काई बै नलन रांऔ हिनौ माढुदुज्यावाङ। 29 नकाने ऐलेस्यु चिचच्याहौने, "औ परमेस्वरलं ज़ा, नङ घेनङन नै नरोअनु? नैति नङ घोन बेला आमाताहौङन घेनजन सजाय नयांरासिनु?"8:29 लूका ४:३४ 30 नकानेतन तचिइ लोएत वोअयाङल तोलोअ घिन्या बगाल लाज्यावाङ। 31 दुस्टआत्माङै ओलजन ऐढास्यु बिन्ति रांढोव, "यदि नङ गेजन पलिइसिनकन, गेजन वोअयाङल बगालल परिङसिन्ते।" 32 ओटन येशुले नकाङजन ऐआढोवाङ, "हिन्चिते।" तब नकाङ पलिईस्यु वोअयाङल पसिवाङ, ओटन वोअल सोगलै बगाल ओरलालन हुर्रिस्यु, दहला रील बुदिस्यु सिवाङ। 33 वोअयाङ छाज्यान्याङ ढोङस्यु सहरल हिन्वाङ ओटन ना दुस्टआत्मा लागिन्यानेजन कैताहौ सोगल रापानस्योवाङ। 34 तब सोगल इलाकाला रुयाङ येशु सकाए डोएसिरावाङ, ओटन ओलजन रङस्यु रुयाङै नकाङल पोलन हिनन्ते ऐलेस्यु ओलजन बिन्ति रांढोव।
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)