1 Ankyak Myik Nklu mɔ abu ngir izhiin ne min kɛ angir me taŋgba ma, fe Mwɔ izhiin nǝ miŋ kɛ kiki me nas yi vli me alɛ ne kɔr ndi ira nas tedi, Nyɛ!>> 2 Mtɔ, te yik ŋa klikla. Iwaŋ ndi asɔŋ sau ma agli tǝ ta, ne nǝgu itu. Ne sau te ru ndi ine li kum te agar li kum. 3 Fe Nklu mɔ ana bu ngir kɛ yaa; ankyak Mwɔ ikɔr iki yi vli ikǝ yaa idi, <<Nyɛ!>> 4 Iŋa nuŋ aru, ayi sesen. Iwaŋ ndi asau ma ne nǝgu mgbyamgbyaŋ tǝ abɛ gli ikum anyɛ me nǝ gɔŋmimi, te aneshir abɛ ŋlɔk akpa amen. Ne nǝgu anzigba angɔŋ. 5 Ankyak Nklu mɔ ana bu ngir ikɛ ntar; fena Mna wɔ iki yi vli yi ntar idi, <<Nyɛ!>> Mtɔ, te yik Iŋa shishir. Ine sau ma agli agbǝgba ne tsar ki ne ŋɔk maa. 6 Fe Me wɔ ikinuŋ ndi ikɔr ru rɛ imiŋ kɛ ikiki yi vli me nas ma, te di, <<Alikama mudu ayi dǝk kɛ ndum bar zhiin, mudu tar yi shayil dǝk kɛ ndum kɛ bar zhiin. Ama kǝr ubǝ cɔk anyɛ ben ama idɔ inabi la ba!>> 7 Fe Nklu ma ana bu ngir ikɛ nas ma; ankyak mǝna wɔ iki yi vli yi nas idi, <<Nyɛ!>> 8 Mtɔ, fe te yik iŋa dindilim. Ine sau ma azhɔu te Iku, fe Hades ize gɔŋ maa. Ne nek ba mgbyamgbyaŋ ne atu ayi ntǝk kǝ nas ike aner abɛ gɔŋmimi, abɛ ŋlɔk aneshir ne kum, ben ijɔŋ, ilɔ, ben inarum ngɔŋgɔŋ. 9 Ankyak Nklu mɔ abu ngir kɛ ntun. Myik ne angus amkpa nǝ tsik ibaŋ te yik asusun aneshir abaŋ ndi ne ŋlɔk ba ne atu yi du ilɛ kɛ Arik ndi nena bla kɛ anenen. 10 Ne ŋar ikɔr ngɔŋ tedi, <<Arik Ŋgɔŋ, ine yi tsetser ben zub! Aye atentai utei ka shi tǝ aneshir abɛ gɔŋmimi ŋas tǝ nek ba iyah ne atu ayi ŋlɔk tei?>> 11 Ne nek kɔte ŋɔwa ne min mǝne anklu aklikla, te di ba abɛ bǝne sɔŋ asik nɛ liŋ, se aki amunzumen, abaŋ ndi atei ŋlɔk ba ne te, ndi ne ŋlɔk ba menyi. 12 Fe Myik Nklu mɔ abu ngir ikɛ tani. Imimi ne jaŋ ngɔŋ, arik ne kama te ashishir ndi ŋa anklu shishir akǝ yi nǝ mfumfuk, ankyak ihwa ne kam te sesen ndi azhizhi. 13 Icinces ne rik hrie ne mimi, ndi idɔ ibwab ŋiŋin izu ihrie ndi nguŋgu ngɔŋ ne fugǝ. 14 Akpa ne naŋ adɔ ndi ngir kɛ ŋyen agurhwa, ankyak kɔte igbu tayi bǝn agaŋkubgbu atawa nɛ sɛrǝ atibe ne amkpa ne kli amaa. 15 Fe atum abɛ gɔŋmimi, bǝn abɛ gli gɔŋmimi, angɔŋgɔŋ abɛ kpaakpa, abɛ yi nɛ adudunki bǝn abǝ yi ne mgbyamgbyaŋ, bǝn aneshir bɔbɔk, bǝn agɛn bǝn abaŋ ndi bai agɛn ba, ne su atu men ayir ne ayo mkpaŋ nǝ igbu. 16 Azhɔ igbu ben mkpaŋ, te di <<Zhaku zhin ne atu amɔr te su ta yir ne ayi waŋ ndi akɔ sɔŋ nǝ mben yi Itum bǝn mfu kǝ Nklu mɔ! 17 Iber ngɔŋ yi te mfu imen nǝ nyɛ, iŋɔwa ne mla nǝ vuŋ susun tɛ kli?>>