Yɔɔna 20

Yesɔ ne muŋ aruu Meryamu Madalin

11 Meryamu aklɛkli nenu bɛ me te azǝn zhin, azedɔ nenu bɛ me tǝ wa abɛ aklɔtɔ 12 fe akɔ yik abɛ shar ayou Arik amɛ yaa ne nkluŋklu klikla akɔsɔŋ ne amkpa awaŋ ndi ne zi ikum kɛ Yesɔ azhɔgo, inuŋ ne shin kɛ aza inuŋ ne gar kɛ tu maa.

13 Akɔ rib bu, <<Iwa, uzhin anii?>>

<<Ne abaŋ Ŋgɔŋ amuŋ agli atibe,>> adi ba, <<Fena bam ne zhi amkpa awaŋ ndi ne azhɔgu ma ba.>> 14 Ndi amɛ, akɔ akam te yik Yesɔ akɛ kli amɔ, ama bane zhi te ayi Yesɔ ba.

15 Fe Yesɔ adiu <<Iwa,>> <<Uzhin anii? Ayi ŋɔwa uwɔbui?>>

Nǝ yik maa ayi nǝ blɛ amkpa, te diu, <<Ngɔŋ, ate yi ndi unǝ baŋu gli tibɛ, blam amkpa awaŋ ndi une nyagu ma, tem kɔte baŋu.>>

16 Yesɔ adiu, <<Meryamu.>>

Aŋur akama agar bene bɔu tɛ kɔ zhin ne aŋa Yahudawa, <<Rabboni!>> (watɔ <<Ŋgɔŋ>>).

17 Yesɔ adiu, duŋ rim gli ba, te bam Mne zen ŋurkam kɔmɔ ben Tetɛɛ ba. Ndi amɛ kɔmɔ ben amunzumɔr te bla ba, <Mkam ŋurkam kɔmɔ ben Tetɛɛ muŋ ben Tetɛɛ min iminyi, Arik amuŋ ben Arik amin.>>>

18 Meryamu ine rɛ ntun magadaliya akɔmɔ ben abɛ zeu tsǝn amaa ne lɛ kɛ men: <<Mniyik Ŋgɔŋ!>> Fe akɔ bla ba kiki ndi Yesɔ ne bla wa neyi.