14 Ndi igyaŋa ne gab atsutsu Yesɔ ne lu kli ne miŋ Akabakɔŋ te zen tsar. 15 Yahudawa ne vuŋ anu te rib te di, <<Iner waŋa ne na kikin te zhi iki ngɔŋ amɛ te ba ne gar aki aye tsar ka?>>

16 Yesɔ adi ba, <<Itsar muŋ ba yi muŋ ba. Ire ben Arik waŋ ndi ne shar me. 17 Iwaŋ ndi te na iki yiŋ ndi Arik awɔb yi, atei zhi te itsar muŋ ire ben Arik ka me lǝlɛ kɛ tu muŋ. 18 Abaŋ ndi alɛ ne atu maa awɔb te bǝ nǝgu ngɔŋ, ama iwaŋ ndi ana ndum kɛ waŋ ndi ne sharu abɛ nǝgu ngɔŋ ai ner didik; ba timu ba.