Mateus 4

Ikituk ne ten Yesɔ ne zizik

1 Fena Izhu iyi Arik ne baŋ Yesɔ te gliu kɔmɔ ne zizik ŋgɔŋ te shetan bɛ tenu te wɔb zhaku maa. 2 Yesɔ ne kpa anu ne yaŋ li bǝn so bɛr sɔknas bǝn bu sɔknas, ikasa vuŋu. 3 Ankyak shetan anye bǝn abou te diu, <Ate yi ndi uyi Izu Arik; kam mkpaŋ yiŋɛ tǝ bɛ kam tǝ kili.>>

4 Yesɔ adiu, Ne cɛr: <Bane kili yi ankyak Ineshir atei yi tsitsir ba, se ne nkanlɛ yi Arik ndi rurɛ anu amaa.>>

5 Ankyak shetan atara baŋu te kɔmɔ ne Urshelima ntun ŋgɔŋ tsetser ne itushu kɛ akabakɔŋ. 6 <<Ate yi ndi uyi Izu Arik,>> adiu, <<tuk kyaŋ ku. Ne cɛr:

<<<Arik atei duŋ ine shar ayou Arik ne atu ami,

Atei baŋu agli ne aŋɔk amen,

Ndi bau tei tar za ne mkpaŋ ba.>>

7 Yesɔ adiu, <<Ne na cɛr: <Duŋ diu ten Arik Ŋgɔŋ ami ba.>>> 8 Fena, shetan gliu te yuŋ tu gbu lǝlɛ te tsa ru akɔb angɔngɔŋ ayi gbarshu ne gɔnmimi bǝn irɛ maa. 9 <<Tedi M tei nǝgu yi bɔbɔk,>> Adi, <<Utǝ zekuru te nek me ŋgɔŋ.>>

10 Yesɔ adiu, <<kam tibɛ bene bɛm, shetan! Ne cɛr: <Zekur Arik Ŋgɔŋ ami, iwa ankyak utei zeu.>>>

11 Ankyak shetan kɔ kama tibɛ, fe ine shar ayou Arik agar te kyuu gli.

Yesɔ ne vuŋ du lɛ maa ne Galili

(Markus 1:14-15; Luka 4:14-15)