21 Nao Hae God i mekem man ya i go slip we i slip ded olgeta. Nao hem i tekemaot wan rib blong hem, mo i mekem bodi blong hem i gud bakegen long ples ya we i tekemaot rib ya long hem. 22 Nao hem i tekem rib ya, i mekem wan woman long hem, mo i tekem hem i kam pas long man ya. 23 Mo taem man ya i luk hem, hem i talem se,

"Hemia nao

prapa fren blong mi.

Bun blong hem i kamaot

long bun blong mi,

mo bodi blong hem i kamaot

long bodi blong mi.

Bambae nem blong hem Woman,*

from we hem i kamaot long man."

24 ✝Taswe oltaem, man i mas aot long papa mo mama blong hem, i mas go joen wetem woman blong hem, nao tufala bambae i kam olsem wan bodi nomo.