Isaías 33

21-23 Long taem ya, Hae God bambae i soemaot long yumi, we paoa blong hem i strong we i strong. Hem nomo bambae i King blong yumi, mo bambae i rul long yumi. Hem bambae i stretem ol problem blong yumi, mo i blokemgud yumi, blong ol enemi oli no kam spolem yumi. Hem bambae i stap blokemgud yumi, olsem we ol bigbigfala reva wetem ol smosmol reva oli stap raon long yumi, mo ol sip blong ol enemi blong yumi oli no save pas long olgeta. Sipos ol enemi oli wantem kam long ples ya, bambae oli olsem sip we ol rigin blong hem oli kam nogud finis, oli no moa save holemgud ol mas blong hem, mo ol boskru oli no save pulum sel. Bambae oli ronwe, mo yumi save go karem ol gudgudfala samting blong olgeta, mo bambae oli plante tumas, we man we leg blong hem i nogud, bambae i gat janis blong go karem.*33.21-23: Narafala rod blong tanem las haf blong tok ya we i stat long "Sipos" i olsem. Naoia, yumi i olsem wan sip we rigin blong hem i kam nogud, i no save holem mas, mo ol boskru oli no moa save pulum sel. Be bambae yumi save go karem ol gudgudfala samting blong ol enemi blong yumi, we man we leg blong hem i nogud, bambae i gat janis blong go karem.