AESEA 66

Hae God bambae i jajem ol man blong ol narafala kantri

1 ✝ 66.1 a: Mat 5.34; 23.22; b: Mat 5.35 ✝ 66.1: Wok 7.49,50 Bakegen, profet i talemaot long ol man blong hem we Hae God i talem se, "!Ol man blong mi! Heven i olsem bigfala jea blong mi, we mi mi King, mi sidaon long hem blong rul, mo wol i olsem ples blong mi, blong mi putum leg blong mi antap long hem. ?Yufala i ting se yufala i save wokem wanem kaen haos, blong mi mi go stap long hem? ?Yufala i ting se yufala i save wokem wanem kaen ples, blong mi mi go spel long hem? 2 Wol ya wetem olgeta samting we i stap long hem, mi nomo mi mekem, mo man we tingting blong hem i stap daon, we i stap tanem tingting blong hem from ol sin blong hem, mo we i stap tinghevi long mi, mo i stap obei long mi, oltaem mi mi stap glad long hem.