1 Long taem ya we King Jedekia* long stat blong hem, mo lis blong ol king we oli rul long taem ya, wetem ol profet long taem blong olgeta, we i stap insaed long Baebol ya, long baksaed blong hem, long Ol Yia blong Ol Stori long Baebol. i king blong Juda,* hem i sanem Pasuru, we papa blong hem Malkia, mo Sefanaea we i pris,* we papa blong hem Mahasea, blong tufala i go talemaot tingting blong hem long Profet Jeremaea. 2 ✝Nao tufala i talemaot we hem i talem se, "Mi mi wantem blong yu prea long Hae God, blong hem i sevem yumi, from we King Nebukadnesa, king blong Babilonia wetem ol soldia blong hem oli kam hivap raon long taon ya blong yumi finis, oli stap faet long yumi. Sipos yu mekem olsem, maet Hae God bambae i mekem merikel blong blokemgud yumi, olsem we hem i stap mekem bifo, nao bambae i mekem king ya i tanemraon, i gobak."

3 Nao profet i talem long tufala ya, 4 blong tufala i go talemaot long hem, we Hae God i talem se, "King Jedekia, mi mi God blong yufala ol laen* blong Isrel,* be bambae mi flatem ol soldia blong yu, we oli stap faet agens long king ya blong Babilonia wetem ol soldia blong hem. Bambae mi pulum ol soldia blong yu oli kambak, oli hivap long medel blong taon ya, wetem ol samting blong faet blong olgeta.* hivap long medel blong taon ya, wetem ol samting blong faet blong olgeta. 5 Mi mi kros finis long yufala, mo bambae mi faet agens long yufala long fulpaoa blong mi, from we mi kros tumas long yufala. 6 Bambae mi kilim yufala evriwan long taon ya i ded. Yufala wetem ol anamol blong yufala, bambae yufala evriwan i ded long wan rabis sik. 7 Be yu wetem ol haeman blong yu, mo ol narafala man we oli no ded long faet ya, no long hanggri, no long sik ya, bambae mi mi letem yufala i go long han blong king ya wetem ol soldia blong hem, we oli wantem kilim yufala, mo hem bambae i kilim yufala evriwan i ded. Hem i no save letem wan long yufala i stap laef. Hem i no save gat sore long yufala. Mi mi Hae God, mo hemia tok blong mi."

8 Nao Hae God i toktok long profet, blong i go talemaot long ol man we hem i talem se, "Olgeta. Mi mi Hae God, mo yufala evriwan i mas lesin. Naoia i gat tu rod i stap, we wan i rod blong laef, mo narawan i rod blong ded. Be yufala nomo i mas jusumaot rod we yufala i wantem. 9 Sipos man i wantem laef, ale hem i mas letem hem i go long han blong ol man Babilonia ya we oli stap hivap raon long taon ya, nao bambae hem i no save ded, bambae i stap laef. Be sipos man i wantem ded, ale, hem i no go, i stap nomo long taon ya, nao bambae hem i ded long han blong ol enemi ya, no long hanggri, no long sik. 10 Mi mi talem finis, se bambae mi no save sevem taon ya, bambae mi spolem. Bambae mi letem i go long han blong king ya, blong i putum faea long hem, i bonem i bon evriwan. Mi mi Hae God, mo hemia tok blong mi."

11,12 Nao Hae God i talem long Profet Jeremaea, blong i go talemaot tok blong hem long king blong Juda* wetem ol pikinini blong hem, we olgeta oli laen blong King Deved bifo. Nao hem i go talemaot long olgeta we Hae God i talem se, "Olgeta. Mi mi Hae God, mo yufala i mas lesin gud long tok blong mi. Evri dei, taem yufala i mekem kot, yufala i mas jajem man long stret fasin. Sipos wan man nogud i stap spolem narafala man blong stil long hem, be yufala i mas tekemaot hem long han blong man nogud ya. Sipos yufala i no mekem olsem, ol rabis fasin ya blong yufala bambae i mekem mi mi kros tumas, we kros blong mi bambae i bon olsem faea, we man i no naf blong kilim. 13 Taon ya Jerusalem* i stap antap long wan hil we i hae moa long ol ples raonabaot long hem. Hem i wan strong sefples, we i stap long medel blong bigfala levelples. Mo yufala i stap tok flas, se bambae i no gat man we i naf blong kam mekem faet long yufala, mo blong kam insaed long ples blong yufala. Be mi nao, bambae mi kam faet agens long yufala. 14 Bambae mi mi panisim yufala from ol samting nogud ya we yufala i stap mekem. Bambae mi bonem haos ya blong yufala, wetem evri samting we i stap klosap long hem. Mi mi Hae God, mo hemia tok blong mi."