JEREMAEA 45

Hae God i mekem promes blong hem long Baruk

1 ✝ 45.1: 2 King 24.1; 2 Kron 36.5-7; Dan 1.1,2 Nao long taem ya we King Jehoeakim*45.1: Ol tok we i stap long Japta 45 mo fas haf blong Japta 46, profet i talemaot long taem blong King Jehoeakim, long taem ya we King Nebukadnesa i no winim Jerusalem yet. Yu luk Sotfala stori blong buk ya long stat blong hem, mo lis blong ol king we oli rul long taem ya, wetem ol profet long taem blong olgeta, we i stap insaed long Baebol ya, long baksaed blong hem, long Ol Yia blong Ol Stori long Baebol., pikinini blong King Josaea i stap rul long Juda,* long namba fo yia blong hem, Profet Jeremaea i stap talemaot ol tok blong Hae God long Baruk we papa blong hem Neria, mo hem i stap raetemdaon long wan buk.* Nao profet ya i talemaot long hem se, 2 "Baruk. Yumi ol laen* blong Isrel,* mo Hae God i God blong yumi, mo hem i talem se, 3 ‘Yu yu stap talem se, "!O, sore tumas long mi! Mi mi stap harem nogud tumas, mo Hae God i mekem mi mi trabol moa. Mi mi krae we mi krae, gogo mi slak olgeta. Mi no save harem gud nating." ’

4 "Be hem i talem se, ‘Mi stap brekemdaon ol samting we mi bin stanemap, mo mi stap pulumaot ol samting we mi bin planem. Bambae mi mekem olsem long olgeta ples long wol ya. 5 ?Olsem wanem? ?Yu ting se bambae yu kasem gudfala laef, i winim we ol narafala man bambae oli kasem? I nogud yu mekem olsem. Mi bambae mi letem bigfala trabol i kam kasem olgeta man long wol ya, be bambae mi letem yu yu stap laef long weples we bambae yu yu go long hem. Mi mi Hae God, mo hemia tok blong mi.’ "