Lucas 9

12 Buriko burira, bamwe cumi na babiri baza aho Yesu ari bamubwira bati: "Erega rungika aba bantu baje mu bisagara no mu mihana kurondera ivyokurya n’indaro, kuko turi mu gahinga."

13 Arabishura ati: "Nimubagaburire mwebwe nyene."

Na bo bamubwira bati: "Dufise imikate itanu n’ifi zibiri gusa. None ushaka ko tuja gusuma ibikwiye isinzi ry’abantu nk’iri?" 14 (Ico gihe hari abagabo nk’ibihumbi bitanu.)

Ariko Yesu abarira abigishwa biwe ati: "Nimubicarike mu migwi ya mirongo itanu itanu." 15 Nuko abantu bose baricara. 16 Aca afata ya mikate itanu na za fi zibiri, araba mw’ijuru, abishimira Imana. Hanyuma arabimanyagura, abihereza abigishwa ngo bagaburire abantu. 17 Bose bararya kandi barahaga. Hanyuma abigishwa begeranya ibiseke cumi na bibiri vyuzuye utumanyu twasigaye.