João 20

Yeisu wo kpeya da Toma

24 Nsayi Toma (n a je wo yi nge Didimwus nyi), zaknayi n awoceaba, wo to ɓə kwnusnu n amwutuyii əsa n Yeisu ɓə ɓe nyi m. 25 Ntulonu amwutuyi aje ɓa gna wo, "Yi kwu gye Dagayi əwye!" Ama wa gna ɓa, "Akpəge ma gye akwusa acigwusa əwye n əwo aɓwa, jesnu ma dna əmi ɓwanyi aba n akwusa ɓə fyi nyi, jesnu ma dna əmi əɓwa n əwo abmayi əciɓwi, mi taa ga gaiciya m."

26 Ń laadi gbmanyi avnu, əwo amwutuyi ɓə je fyi n pwuwa jesnu Toma ɓə kwnusnu n ɓai. Kwo shikwonyi akpakwo ɓə gwugwuyi, Yeisu wa ɓe wa gnyiagnyi dna n əɓa atasni jesnu wa gna ɓa, "Bwugbafu kwo kwnusnu n fyei!" 27 Nlonu wa gna Toma, "Dna əho ɓwanyi n ya; gye əmi aɓwa əwye. Ta əho əɓwa ya, ha dna kwo n əmi abmayi. La fa abwugba-aba fyi ɓo jesnu ha ga gaiciya."

28 Toma wa gna wo, "Əmi Dagayi jesnu əmi Shekwoyii!"

29 Nlonu Yeisu wa gna wo, "Ntuge ho la gye mi əwye nu, ho nyi ga gaiciya; anabəlikada nu n aza yii n ɓa too gye mi əwye m, dudulonu ɓa kwu gaiciyaga."