1 Mme ikpeghe ntịppe ubon Erọn ekedoñño ami:

Nditọ ideen Erọn ekedoñño Nadab, Abihu, Eliasa ye Itama. 2 Ado Nadab ye Abihu emaekpañña mbemiso ete ammọ akpa, ndin ammọ ikinieghe nditọ ideen; ntom Eliasa ye Itama ekenam utom nte mme aku. 3 Ke unwam Sadọk awo ntịppe ubon Eliasa ye Ahimelek awo ntịppe ubon Itama, Defid amaabakka ammọ adọñ ke ikpeghe ke ndaha unam utom ammọ. 4 Emaekịt ata uwak ibad ñkpoon awo ke atu ntịppe ubon mme Eliasa akan ake ubon mme Itama, ndin emaebakka ammọ naña akekem: ebakka iwuod ufọk duob mme itiokeed eto ubon Eliasa, enyʌñ ebakka iwuod ufọk itiaita eto ntịppe ubon mme Itama. 5 Ammọ emaebaaña awo adusad ibaaha ke adikisịn afia, sia mme adaaha ufọkabasi ye mme adaaha ke Abasi mmọdo ekebañña ke atu ubon Eliasa ye ake Itama ñko.

6 Awedñwed Semaiya ayịn Netanel, awo Lifai, amaawet mme anyịñ ammọ ke iso adidem ye mme adaaha: aku Sadọk, Ahimelek ayịn Abiata ye mme iwuod ke ubon mme aku ye ake mme Lifai, edat ubon keed eto Eliasa ndin enyʌñ edat keed eto ubon Itama.

7 Akpa afia ekesịnne akeduọ anọ Yehoarib,

ayọhọ iba aduọ anọ Yedaiya,

8 ayọhọ ita aduọ anọ Harim,

ayọhọ inaañ aduọ anọ Seorim,

9 ayọhọ ition aduọ anọ Malkiya,

ayọhọ itiokeed aduọ anọ Miyamịn,

10 ayọhọ itiaba aduọ anọ Hakos,

ayọhọ itiaita aduọ anọ Abiya,

11 ayọhọ usʌkkeed aduọ anọ Yesua,

ayọhọ duob aduọ anọ Sekanaiya,

12 duob mme keed akeduọ anọ Eliasịb,

ayọhọ duob mme iba aduọ anọ Yakịm,

13 ayọhọ duob mme ita aduọ anọ Hupa,

duob mme inaañ aduọ anọ Yesibeeb,

14 ayọhọ duob mme ition akeduọ anọ Bilka,

ayọhọ duob mme itiokeed aduọ anọ Imaa,

15 duob mme itiaba aduọ anọ Hesie,

duob mme itiaita aduọ anọ Hapises,

16 ayọhọ duob mme usʌkkeed aduọ anọ Petahia,

ayọhọ edịb aduọ anọ Yehesikeel,

17 ayọhọ edịb mme keed aduọ anọ Yakịn,

edịb mme iba aduọ anọ Kamul,

18 edịb mme ita aduọ anọ Delaiya,

ndin edịb mme inaañ aduọ anọ Maasia.

19 Naña ubono ñkpọ itie unam utom nnọọ Abasi ammọ akeba adom ke ammọ emaedʌk tembịd Abọọñ, akeene mme ewʌhọ eteete ammọ Erọn akenịmme anọ ammọ, naña nte Abọọñ, Abasi Isrel aketemme anye.

20 Amaado nsʌhọ ntịppe ubon mme Lifai:

Atọọñọ ke nditọ ideen Amram: Subeel;

atọọñọ ke nditọ ideen Subeel: Yedeiya.

21 Amaado Rehabia, atọọñọ ke nditọ amọ, Isia akedo akpan.

22 Tọọñọ ke mbon Isaa: Selomod;

tọọñọ ke ayịn Selomod: Yahad.

23 Nditọ ideen Hibrọn:

Yeria akedo akpa, Amaria ado ayọhọ iba, Yahasiel ado ayọhọ ita ndin Yekameem ado ayọhọ inaañ.

24 Nditọ ideen Usiel: Maika;

Nditọ ideen Maika: Samia.

25 Ayịneka awodeen Maika: Isia;

atọọñọ ke nditọ ideen Isia: Sakaraiya.

26 Nditọ ideen Merari: Mahli ye Musi.

Ayịn awodeen Yaasia: Beno.

27 Nditọ ideen Merari:

tọọñọ ke Yaasia: Beno, Soham, Saku ye Ibri.

28 Tọọñọ ke Mahli: Eliasa, a-mmiikinieghe ayịn.

29 Tọọñọ ke Kisi: ayịn Kisi: Yerameel.

30 Ndin ye nditọ ideen Musi: Mahli, Eda ye Yerimọd.

Mbon ami ekedoñño mbon Lifai, akeene ubon ammọ.

31 Ammọ ñko emaenyʌñ esịn afia, ukem naña mbon ubon ammọ ekedooho ntịppe ubon Erọn ekenam, ke iso Adidem Defid ye iso Sadọk, Ahimelek, ye mme adaiwuod ufọk mme aku ye mbon Lifai. Naña ekenam ye ekpək ubon mbon se ikpoon ikan, kpasʌk ukem ado ke ekenam ye ubon mbon se isịp ikan.