Adiyaara Yọọn 20

Ubiereikpe mme Akpañkpa

11 Ndin mmaakịt ataa ekamba afia ebekpo ye awo andikitie ke anye. Isọñ ye mme hefịn emaefeeñe ekpọñ iso amọ, ndin itie ikibaaha inọ ammọ. 12 Ndin ami mmaakịt mbon e-emaekekpañña, ñkpoon ye ntək, naña eda ke iso ebekpo, emaenyʌñ ekuumọ mme ñwed. Emaekʌppọ ñwed mfen a-adooho ñwed uwem. Emaekpe ikpe enọ mbon e-emaekekpañña akeene se ammọ ekenañña naña ekewet esịn ke ñwed. 13 Akpainyañ amaasaana mme akpañkpa se ikisịne anye ke esịd ayaak, ndin ñkpa ye Abioekpo emaesaana mme akpañkpa se ikisịne ammọ ke esịd eyaak, ndin emaebiere ikpe enọ awo keedekeed akeene se ammọ ekenam. 14 Ndin emaetop ñkpa ye Abioekpo esịn ke ibiok ikañ. Ibiok ikañ ado ñkpa ayọhọ iba. 15 Awo keed akeedodo a-anyịñ amọ imiikiwereke ke ñwed uwem, emaetop esịn ke ibiok ikañ ado.