हितोपदेश 1

1 इस्राएलका राजा, दावीदका पुत्र, सोलोमनका हितोपदेशहरू:

2 बुद्धि र अनुशासन प्राप्‍त गर्नका निम्ति,

अन्‍तर्दृष्‍टिका वचनको समझ प्राप्‍त गर्नका निम्ति,

3 विवेकी आचरणको अनुशासन प्राप्‍त गर्नको निम्ति

जे धार्मिक, न्यायी र निष्पक्ष छ, त्यो गर्नको निम्ति,

4 सोझाहरूलाई*1:4 मूल भाषामा प्रयोग गरिएको शब्द सोझा ले हितोपदेशमा सहजै बहकाउन सकिने, नैतिक दिशामा नभएको र दुष्‍टतातिर झुकेको व्यक्तिलाई जनाउँदछ। समझदार,

जवानहरूलाई ज्ञान र स्वविवेक दिनका निम्ति—

5 बुद्धिमान्‌ले सुनोस् र तिनीहरूका ज्ञान बढाऊन्;

र विवेकशील व्यक्तिलाई अगुवाइ मिलोस्—

6 हितोपदेश र दृष्‍टान्तहरू,

बुद्धिमान्‌का भनाइ र गहिरा-गहिरा वचनहरू बुझ्नका निम्ति।

7 याहवेहको भय ज्ञानको सुरुवात हो,

तर मूर्खले*1:7 हितोपदेश र पुरानो करारका धेरै स्थानहरूमा अनुवाद गरिएको मूल शब्द मूर्ख ले नैतिकताको कमी भएको व्यक्तिलाई जनाउँदछ। चाहिँ बुद्धि र अनुशासनलाई तुच्छ ठान्दछ।