हितोपदेश 1

बुद्धिको हप्काइ

20 बुद्धि बाहिर खुल्‍ला सडकमा चर्को सोरले कराउँछे;

त्यसले सार्वजनिक चोकहरूमा आफ्नो आवाज उचाल्छे;

21 व्यस्त सडकका अग्ला स्थानमा त्यसले पुकार्दछे;

सहरका मूलढोकाहरूमा त्यसले आफ्नो भाषण गर्छे।

22 तिमी सोझाहरूले कहिलेसम्म आफ्ना मूर्खतालाई प्रेम गरिरहन्छौ?

कहिलेसम्म गिल्‍ला गर्नेहरू गिल्‍ला गर्नमै रमाउँछौ?

र मूर्खहरूले ज्ञानलाई घृणा गरिरहन्छौ?

23 मेरो हप्काइ सुनेर पश्‍चात्ताप गर,

म आफ्ना विचारहरू तिमीहरूलाई खन्याउनेछु;

मेरा शिक्षाहरू तिमीहरूलाई बुझाउनेछु।