16 तधू ज़ुंण तम्हां मांझ़ै पांच़ बणै, तिन्‍नां लै बोलअ त मंऐं तधू इहअ, ‘ज़ेभै तम्हैं कसरै मकदमैं लै नसाफ दैए, तेता लै लोल़ी तम्हैं धर्मीं रहै, तेथ निं लोल़ी तम्हैं आपणअ बगैनअ भाल़अ, च़ाऐ सह कहा इज़राईलीओ मकदमअ होए, या कहा परदेसी मणछो ज़ुंण थारै देशै तम्हां जैंदरी आसा बस्सअ द। 17 ज़ेभै तम्हैं पांच़ी करे, तेभै निं कोही संघै भेदभाब करी, च़ाऐ थारी दालता दी गरीब मणछ एछे या सेठ, परमेशरा हेरनी तम्हां लै नसाफ करना लै मज़त करी। ज़ै कुंण मकदमअ खास्सअ कठण होए, तेता आणै तम्हैं मुंह सेटा लै, तिन्‍नें गल्‍ला शूणूं हुंह आप्पै।’