आदगारी लै झ़ालर
37 तेखअ बोलअ बिधाता मोसा का, 38 "इज़राईली मणछा लै बोल इहअ, आपणीं पोस्ती दर पोस्ती करै इहअ कि आपणैं झिकल़े पाल्ले पुंझ़ै लाऐ फ्रूरू संघा लाऐ तेथ निली डोरी।15:38 बधा. 22:12 39 इहअ करनअ तम्हैं एते तैणीं कि ज़ेभै-ज़ेभै तम्हैं तेता भाल़े तेभै लोल़ी तम्हां बिधाते सारै हुकम आद फिरै, अर तम्हैं लोल़ी तिंयां तिहै ई मनै, तै निं तम्हैं आपणीं मन्न-मरज़ी करदै मुखा दूर डेऊणैं, ज़िहै तम्हैं आझ़ तैणीं कंज़रैई करदी आऐ।15:39 मोत्त. 23:5; रोम. 11:16 40 पर तम्हैं डाहै बिधाते सोभी हुकमा आद, संघा मनै तिन्नां तिहै ई, आपणैं बिधाता लै हआ पबित्र। 41 हुंह आसा थारअ बिधाता, ज़ुंणी तम्हैं मिसर देशा का आसा काढी आणै दै।"