Lucas 18

35 Benɛ a maa ho Yeriko ma a mi sɛmi ya a, a na hɛ ngmɛ yuyuilɔ ko nɛ hii si ngɛ blɔ ɔ he ngɛ ni bae. 36 Benɛ e nu kaa nihi fuu bee ɔ, e bi ke mɛni a ngɛ pee lo. 37 A de lɛ ke Yesu Nazaret no ɔ nɛ e bee. 38 Kɛkɛ nɛ nyumu nɛ ɔ bɔni ngmlaa kpami ke, "Yesu, David Bi, moo na mi mɔbɔ!"

39 Ni nɛmɛ nɛ ngɛ hlami ɔ bɔni lɛ demi kɛ e pee kɔ. Se si abɔ nɛ a ngɛ lɛ dee ke e pee kɔ ɔ, si abɔ nɛ ngmlaa a nya ngɛ wae ji lɔ ɔ nɛ.

40 Benɛ Yesu ya su he nɛ e ngɛ ɔ, e ho da si nɛ e bi ke a wo hɛ ngmɛ yuyuilɔ ɔ kɛ ba e ngɔ. 41 Kɛkɛ nɛ Yesu bi lɛ ke, "Mɛni o ngɛ hlae nɛ ma pee ha mo?" E kpa lɛ pɛɛ nɛ e de ke, "Nutsɔ, i ngɛ hlae nɛ ma hyɛ nɔ."

42 Nɛ Yesu de lɛ ke, "Moo hyɛ nɔ koo! O hemi kɛ yemi tsa mo."

43 Amlɔ ɔ nɔuu ɔ, nɔmlɔ ɔ hɛ ngmɛ bli nɛ e bɔni nɔ hyɛmi. E nyɛɛ Yesu se kɛ bua jɔmi nɛ e bɔni Mawu yi jemi. Nɛ nihi kulaa nɛ na nɔ nɛ ba a, a wo sina kɛ yi jemi ngɔ ha Mawu.