Lucas 8

Yesu jɔɔ wo nɔ kɔɔhiɔ he

22 Ligbi ko ngɛ jamɛ a be ɔ mi nɔuu ɔ, e kɛ e kaseli ɔmɛ ngɛ lɛ mi nɛ e de mɛ ke a hlui lɛ ɔ kɛ ho wo ɔ se ya. 23 Se benɛ a ngɛ lɛ ɔ mi kɛ yaa a, e ho ya kpasa si bɔɔ nɛ mahe nɔ e nɔ. E ngɛ mahe ɔ mi nɛ kɔɔhiɔ te nɛ nyu bɔni fiami kɛ ngɛ lɛ ɔ mi sɛe nɛ lɛ ɔ miɔ nɛ e ma butu.

24 A sa fo kɛ ho he nɛ e hwɔɔ si ngɛ ɔ ya nɛ a ya tsiɛ lɛ nɛ a de lɛ ke, "Nutsɔ, Nutsɔ, lɛ ɔ maa ho mumi ya!" E te si nɛ e nga kɔɔhiɔ ɔ yi nɛ e de ke, "Moo ngmɛ!" Kɛkɛ nɛ kɔɔhiɔ ɔ jɔɔ fiami nɛ wo ɔ ngmɛ dii. 25 Nɛ e bi mɛ ke, "Jije nyɛ hemi kɛ yemi ɔ ngɛ?" A ye gbeye, nɛ a bi a he ke, "Mɛnɔ po ji nɛ ɔ nɛ kɔɔhiɔ kɛ oslɔke tete buɔ lɛ tue ɔ?"

26 Enɛ ɔ se ɔ, a ya su wo ɔ se ngɛ Gerasene bi ɔmɛ a zugba a nɔ ngɛ Galilea ha nɔ.