43 Se benɛ a yaa a, yo ko nɛ muɔ ngɛ bee ngɛ e he jeha nyɔngma kɛ enyɔ sɔuu ji nɛ, nɛ e nyɛɛ tsopatsɛmɛ a nɔ hluu nɛ e dɛ mi ta se hiɔ ɔ jɔɛ ɔ, 44 ba je Yesu se blɔ nɛ e ta e tade ɔ he, ejakaa e ngɛ hlae nɛ a tsa lɛ. Kɛkɛ nɛ amlɔ ɔ mi nɔuu ɔ, muɔ ɔ jɔɔ bemi ngɛ e he. 45 Yesu bi ke, "Mɛnɔ nɛ e ta ye he ɔ?" Se nɔ tsuaa nɔ ke e tɛ e he. Nɛ Petro de lɛ ke, "Mawetsɛ, mo nitsɛ o na kaa nimli ɔmɛ hiɛ kɛ bɔle mo."
46 Se Yesu de lɛ ke, "Nɔ ko je blɔ ta ye he, ejakaa i nu he kaa tsami he wami je ye mi."
47 Benɛ yo ɔ na kaa Yesu le kaa e ta e he ɔ, e wo he kpokpomi kɛ ba kpla si ngɛ e hɛ mi nɛ e de lɛ nɔ́ nɛ he je nɛ e ta e he ngɛ ɔ; nɛ e tsɔɔ nya hu kaa amlɔ nɛ ɔ e na he wami. 48 Yesu de lɛ ke, "Biyo, o hemi kɛ yemi tsa mo, yaa ngɛ he jɔmi mi."
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)