Lucas 8

49 Benɛ Yesu kɛ yo ɔ ngɛ munyu ɔ tue ɔ nɔuu nɛ tsɔlɔ ko je Yairo we ɔ mi kɛ ba nɛ e ba de Yairo ke, "O biyo ɔ yi ta, lɔ ɔ he je ɔ, e he hia we kaa o hao Tsɔɔlɔ ɔ hu."

50 Se benɛ Yesu nu sɛ ɔ nɛ tsɔlɔ ɔ ba de ɔ, e de bitsɛ ɔ ke, "Koo ye gbeye! Mo wo o hɛ kɛ fɔ ye nɔ nɛ e maa hi ha o biyo ɔ."

51 Benɛ a ya su we ɔ mi ɔ, Yesu ha we nɛ nɔ ko nɔ ko nɛ sɛ tsu ɔ mi he nɛ gbogboe ɔ ngɛ ɔ, ja lɛ nitsɛ kɛ Petro kɛ Yakobo kɛ Yohane kɛ biyo ɔ tsɛ kɛ e nyɛ pɛ. 52 Nihi ba hyi we ɔ mi fuu kɛ ya. Se Yesu de mɛ ke, "Nyɛɛ jɔɔ ya fomi, nɔ ɔ gbo we; mahe kɛkɛ nɛ e hwɔ." 53 Se ni ɔmɛ nɛ ngɛ lejɛ ɔ muɔ lɛ nɛ a ye e he fɛu, ejakaa mɛɛ lɛɛ a le kaa biyo ɔ yi ta.

54 Yesu pɛtɛ bi ɔ nine he nɛ e tsɛ lɛ nɛ e de ke, "Biyo, moo te si!" 55 Amlɔ ɔ nɔuu ɔ, mumi kpale kɛ ba e mi nɛ e tu kɛ da si. Yesu de mɛ ke, "Nyɛ ha lɛ nɔ́ ko nɛ e ye." 56 Fɔli ɔmɛ a bua jɔ a he kɛ be nɔ. Se Yesu bɔ mɛ kɔkɔ ke a ko fiɛ nɔ́ nɛ ba a nɛ nɔ ko nɛ e nu.