Luka 9

1 Ligbi ko ɔ, Yesu tsɛ e kaseli nyɔngma kɛ enyɔ ɔmɛ nɛ e ha mɛ he wami ngɛ mumi yayamihi a nɔ, nɛ a hia mɛ ngɛ nihi a mi, nɛ a tsa hiɔ fɛɛ hiɔ. 2 Nɛ e tsɔ mɛ nɛ a ya fiɛ Mawu Matsɛyemi ɔ bami ɔ ha nɔ tsuaa nɔ; nɛ a tsa hiɔtsɛmɛ.

3 E de mɛ ke, "Nɛ nyɛ yaa nɛ ɔ, nyɛ ko de ke nyɛ maa hɛɛ kotoku loo dema tso loo niye ni loo sika loo tade kɛ piɛ nɔ́ nɛ nyɛ wo ɔmɛ a he. 4 Ke nyɛ ya a, nyɛ ya to he kake pɛ.

5 Ke nyɛ ya ma ko mi nɛ nimli ɔmɛ ha we nyɛ hɛ mi ɔ, nyɛɛ kpale; nɛ ke nyɛ maa je ma a mi ɔ, nyɛ blɛ ma a mi zu nɛ du nyɛ nane si ɔ ngɔ pue si ha mɛ kɛ pee odase loko nyɛɛ je."

6 Enɛ ɔ se ɔ, kaseli ɔmɛ hia blɔ nɛ a fiɛ Manye Munyu ɔ ngɛ ma amɛ a mi nɛ a tsa hiɔtsɛmɛ.