Mateus 17

Yesu tsa nyumuyo ko

14 Benɛ a kple yoku ɔ kɛ ba e sisi ɔ, a ba na nihi fuu nɛ ngɛ mɛ mlɛe kɛkɛ nɛ nyumu ko ba e ngɔ ba kpla si ngɛ e hɛ mi, 15 nɛ e de lɛ ke, "Nutsɔ, naa ye binyumuyo ɔ mɔbɔ, ejakaa e ngɛ kɔkɔ hiɔ nue nɛ e ngɛ nɔ nae; bɔɔ kɛ bɔɔ kɛkɛ e ya nɔ la mi; nɛ bɔɔ kɛ bɔɔ hu kɛkɛ e ya nɔ nyu mi. 16 I kɛ lɛ ba ha o kaseli ɔmɛ se a nyɛ we lɛ nɛ a tsa."

17 Yesu ha heto nɛ e de ke, "Oo, yinɔ bihi nɛ a tsui ti, nɛ be hemi kɛ yemi. Mɛni be i kɛ nyɛ maa hi si kɛ ya si? Nɛ mɛni be ma to ye tsui si ha nyɛ kɛ ya ta. Nyɛɛ kɛ lɛ nɛ ba ha mi ngɛ hiɛ ɔ." 18 Kɛkɛ nɛ Yesu nga mumi yayami ɔ yi nɛ e je kpo kɛ je jokuɛ ɔ mi nɛ e na he wami jamɛ a ngmlɛfia a nɔ nɔuu.