1 in yener tsait iz krank gevorn Aviyah der zun fun Yorovamen. 2 hot Yarovam gezogt tsu zain vaib: shtei oif, ich bet dich, un farshtel zich, me zol nisht derkenen az du bist Yorovams vaib, un zolst gein kein Shiloh. ze, dortn iz Achiyah der novi, der vos hot gezogt oif mir, az ich vel vern a melech iber dem dozikn folk. 3 un zolst nemen mit dir tsen broiten, un kichlech, un a krug honik, un kumen tsu im; er vet dir zogn vos vet zain mitn yingel.

4 hot Yorovams vaib azoi geton, un zi iz oifgeshtanen un iz gegangen kein Shiloh, un zi iz gekumen in Achiyahs hoiz; un Achiyah hot nisht gekent zen, vorem zaine oign zainen geven shtar far zain ziknh. 5 ober Hashem hot ongezogt Achiyahn: ze, Yorovams vaib kumt fregn bai dir a basheid vegen ir zun, vorem er iz krank; zolstu azoi un azoi redn tsu ir. un es vet zain, az zi kumt, vet zi zich shteln fremd.

6 un es iz geven, vi Achiyah hot gehert dem shorch fun ire fis, ven zi iz araingekumen in tir, azoi hot er gezogt: kum arain, Yorovams vaib, noch vos den shtelstu zich fremd, az ich bin geshikt tsu dir mit a shverer besoire? 7 gei zog tsu Yorovamen: azoi hot gezogt Hashem Elokei Yisroel: vail ich hob dich derhoibn fun tsvishn dem folk, un hob dich gemacht far a firsht iber main folk Yisroel; 8 un ich hob avekgerisn di meluche fun dem hoiz fun Dovid, un hob zi dir gegebn; un du bist nisht geven azoi vi main knecht Dovid, vos hot gehit maine gebot, un vos iz gegangen noch mir mit zain gantsn hartsn, tsu ton nor vos iz rechtfartik in maine oign; 9 un host geton erger vi ale vos zainen geven far dir, un bist gegangen un host dir gemacht fremde g-ter, un gegosene getsn, mich tsu dertserenen, un mich hostu avekgevorfen hinter dain rukn – 10 derum ze, ich breng on umglik oif Yorovams hoiz, un ich vel farshnaidn fun Yorovamen yetveder mansparshoin, kind un keit, tsvishn Yisroel, un vel oisramen Yorovams hoiz azoi vi me ramt ois koit, biz es vet farlendt vern. 11 dem vos shtarbt fun Yorovamen in shtot, veln di hint oifesn, un dem vos shtarbt in feld, veln di foiglen fun himel oifesn; vorem Hashem hot geredt. 12 un du shtei oif, gei aheim; vi daine fis kumen in shtot, azoi vet dos kind shtarbn. 13 un gants Yisroel veln im baklogn, un veln im bagrobn; vorem bloiz der doziker fun Yorovamen vet kumen tsu kvure, vail in im iz gefunen gevorn epes guts akegn Hashem Elokei Yisroel, in Yorovams hoiz. 14 un Hashem vet zich oifshteln a melech iber Yisroel, vos vet farshnaidn Yorovams hoiz yenem tog. ober afile dentsmol iz vos? 15 vorem Hashem vet shlogn Yisroel, azoi vi a ror vert getreislt in vaser, un er vet oisraisn Yisroel fun der doziker guter erd vos er hot gegebn zeyere eltern, un er vet zei tseshpreitn fun yener zait taich, far vos zei hobn gemacht zeyere getsnbeimer, dertserenendik Hashem. 16 un er vet ibergebn Yisroel fun vegen di zind fun Yorovamen vos er hot gezindikt, un vos er hot gemacht zindikn Yisroel.

17 un Yorovams vaib iz oifgeshtanen, un iz avekgegangen un gekumen kein Tirtsah; vi zi iz gekumen oif dem shvel fun hoiz, azoi iz dos yingel geshtorbn. 18 un gants Yisroel hobn im bagrobn, un im baklogt; azoi vi dos vort fun Hashem vos er hot geredt durch zain knecht Achiyah dem novi.

19 un di iberike zachn vegen Yorovamen, vi er hot milchome gehaltn, un vi er hot gekinigt, dos iz bashribn in buch fun di tsaitgesheenishn fun di mlochim fun Yisroel.

20 un di teg vos Yarovam hot gekinigt, zainen geven tsvei un tsvantsik yor, un er hot zich geleigt mit zaine eltern, un zain zun Nadav iz gevorn melech oif zain ort.

21 un Rechavam der zun fun Shlomoen hot gekinigt in Yehudah. ein un fertsik yor iz Rechavam alt geven az er iz gevorn melech, un zibetsn yor hot er gekinigt in Yerushalayim, der shtot vos Hashem hot oisderveilt fun ale shvotim in Yisroel, tsu ton zain nomen dortn. un der nomen fun zain muter iz geven Naamah di Amonit.

22 un Yehudah hot geton vos iz shlecht in di oign fun Hashem, un zei hobn im dertsernt mit kine mer vi alts vos zeyere eltern hobn geton, mit zeyere zind vos zei hobn gezindikt. 23 un zei oich hobn zich geboit bamot, un zailshteiner, un getsnbeimer, oif yetveder hoichn bergel, un unter yetveder tsvaighaftikn boim. 24 un oich shandmener zainen geven in land. zei hobn geton azoi vi ale umverdikeitn fun di felker vos Hashem hot fartriben fun far di kinder fun Yisroel.

25 un es iz geven in finftn yor fun melech Rechavam iz Shishak der melech fun Mitsrayim aroisgekumen oif Yerushalayim. 26 un er hot tsugenumen di oitseres fun Hashems hoiz, un di oitseres fun melechs hoiz; alts hot er tsugenumen. un er hot tsugenumen ale gilderne shildn vos Shlomo hot gemacht. 27 un der melech Rechavam hot gemacht anshtot zei kuperne shildn, un hot zei gegebn oif der hant fun di hoiptlait fun di loifers vos hobn gehit dem aingang fun melechs hoiz. 28 un es iz geven, ven nor der melech flegt kumen in Hashems hoiz, flegn di loifers zei aroistrogn; dernoch flegn zei zei umkeren in der kamer fun di loifers.

29 un di iberike zachn vegen Rechavamen, un alts vos er hot geton, dos iz shoin bashribn in buch fun di tsaitgesheenishn fun di mlochim fun Yehudah. 30 un a milchome iz geven tsvishn Rechavamen un tsvishn Yorovamen ale teg.

31 un Rechavam hot zich geleigt mit zaine eltern, un er iz bagrobn gevorn lebn zaine eltern in Dovids-shtot. un der nomen fun zain muter iz geven Naamah di Amonit. un zain zun Aviyam iz gevorn melech oif zain ort.