1 un es iz geven noch di dozike gesheenishn: Navot der Yizreel hot gehat a vaingorten vos iz geven in Yizreel lebn dem palats fun Achav dem melech fun Shomron. 2 hot Achav gezogt tsu Navoten, azoi tsu zogn: gib mir dain vaingorten, kedei er zol mir zain far a gortn fun grins, vail er iz nont lebn main hoiz, un ich vel dir gebn anshtot im a vaingorten a besern fun im. oder oib in daine oign iz beser, vel ich dir gebn gelt in mekch fun dem. 3 hot Navot gezogt tsu Achavn: bahit mich Hashem, ich zol dir opgebn di nachle fun maine eltern.

4 iz Achav gekumen in zain hoiz tsetrogn un farbeizert iber dem vort vos Navot der Yizreel hot tsu im geredt, az er hot gezogt: ich vel dir nisht opgebn di nachle fun maine eltern. un er hot zich geleigt oif zain bet, un hot umgedreit zain ponem, un nisht gegesn kein shpaiz.

5 iz tsugekumen tsu im zain vaib Izevel, un hot tsu im gezogt: vos iz dos dain gemit tsetrogn, un du est nisht kein shpaiz? 6 hot er tsu ir gezogt: vail ich hob geredt tsu Navot dem Yizreel, un ich hob tsu im gezogt: gib mir dain vaingorten far gelt, oder oib du vilst, vel ich dir gebn an ander vaingorten anshtot im; un er hot gezogt: ich vel dir nisht opgebn main vaingorten.

7 hot zain vaib Izevel tsu im gezogt: first du atsund di meluche iber Yisroel? shtei oif, es shpaiz, az zol dain harts zain freilech. ich vel dir gebn dem vaingorten fun Navot dem Yizreel.

8 un zi hot geshribn briv in Achavs nomen, un farziglet mit zain zigl, un hot geshikt di briv tsu di eltste un tsu di adllait vos in zain shtot, vos hobn gevoint mit Navoten. 9 un zi hot geshribn in di briv, azoi tsu zogn: ruft ois a taanis, un zetst avek Navoten oiben on fun folk. 10 un zetst avek tsvei mentshn, nidertrechtike yungen, akegn im, zei zoln eides zogn oif im, azoi tsu zogn: host gelestert Elokim un dem melech. un firt im arois, un farshteint im, un er zol shtarbn.

11 hobn di mentshn fun zain shtot, un di eltste un di adllait vos hobn gevoint in zain shtot, geton azoi vi Izevel hot tsu zei geshikt, azoi vi es iz geven geshribn in di briv vos zi hot tsu zei geshikt. 12 zei hobn oisgerufn a taanis, un hobn avekgezetst Navoten oiben on fun folk. 13 un di tsvei mentshn, nidertrechtike yungen, zainen gekumen un hobn zich gezetst akegn im; un di nidertrechtike yungen hobn eides gezogt oif im, oif Navoten, faran folk, azoi tsu zogn: Navot hot gelestert Elokim un dem melech. un me hot im aroisgefirt oisn shtot, un im farvorfen mit shteiner, un er iz geshtorbn. 14 un zei hobn geshikt tsu Izevelen, azoi tsu zogn: Navot iz farshteint gevorn, un er iz toit.

15 un es iz geven, vi Izevel hot gehert az Navot iz farshteint gevorn, un er iz toit, azoi hot Izevel gezogt tsu Achavn: shtei oif: yarshe dem vaingorten fun Navot dem Yizreel, vos er hot dir nisht gevolt gebn far gelt. vorem Navot lebt nisht, naiert er iz toit.

16 un es iz geven, vi Achav hot gehert az Navot iz toit, azoi iz Achav oifgeshtanen aroptsunidern tsu dem vaingorten fun Navot dem Yizreel, kedei im tsu yarshen.

17 iz dos vort fun Hashem geven tsu Eliyahu dem Tishbi, azoi tsu zogn: 18 shtei oif, nider arop antkegen Achav dem melech fun Yisroel vos in Shomron; on iz er in dem vaingorten fun Navoten, vos er hot ahin aropgenidert, kedei im tsu yarshen. 19 un zolst redn tsu im, azoi tsu zogn: azoi hot Hashem gezogt: host geharget, un vilst oich yarshen? un zolst redn tsu im, azoi tsu zogn: azoi hot Hashem gezogt: oif dem ort vu di hint hobn gelekt dos blut fun Navoten, veln di hint lekn oich dain blut.

20 hot Achav gezogt tsu Eliyahun: host mich ongekrign, soine mainer? hot er gezogt: ich hob dich ongekrign; vail du host zich ongegebn tsu ton vos iz shlecht in di oign fun Hashem. 21 ze, ich breng oif dir an umglik, un ich vel dich oisramen, un vel farshnaidn fun Achavn yetveder mansparshoin, un kind un keit, tsvishn Yisroel. 22 un ich vel machn dain hoiz azoi vi dos hoiz fun Yarovam dem zun fun Nevaten, un azoi vi dos hoiz fun Baasha dem zun fun Achiyahn, far der dertsernung vos du host dertsernt, un gemacht zindikn Yisroel. 23 un oich oif Izevelen hot Hashem geredt, azoi tsu zogn: di hint veln esen Izevelen in dem festunggrobn fun Yizreel. 24 dem vos shtarbt fun Achavn in shtot, veln di hint oifesn, un dem vos shtarbt in feld, veln di foiglen fun himel oifesn.

25 far vor, es iz nisht geven aza vi Achav vos hot zich opgegebn tsu ton vos iz shlecht in di oign fun Hashem, vail im hot ongeredt zain vaib Izevel. 26 un er hot zich bagangen zeyer umverdik tsu gein noch di opgeter, azoi vi alts vos di Omarim hobn geton, vemen Hashem hot fartriben fun far di kinder fun Yisroel.

27 un es iz geven, vi Achav hot gehert di dozike verter, azoi hot er tserisn zaine kleider, un ongeton zakkleid oif zain laib, un hot gefast; un er iz gelegn in zakkleid, un iz arumgegangen shtilerheit.

28 iz dos vort fun Hashem geven tsu Eliyahu dem Tishbi, azoi tsu zogn: 29 hostu gezen vi Achav iz gevorn untertenik far mir? vail er iz gevorn untertenik far mir, vel ich nisht brengen dos beiz in zaine teg; in di teg fun zain zun vel ich brengen dos beiz oif zain hoiz.