1 un Shlomo hot geveltikt iber ale kinigraichn, fun dem taich biz dem land fun di Pelishtim, un biz dem gemark fun Mitsrayim. zei hobn gebracht minche, un gedint dem melech Shlomo ale teg fun zain lebn.

2 un di shpaizung fun Shlomoen far ein tog iz geven draisik kor zemelmel, un zechtsik kor grobe mel, 3 tsen fete rinder, un tsvantsik rinder fun der fiter, un hundert shof, achuts hindn, un hirshn, un damhirshn, un geshtopte kaphener. 4 vorem er hot geveltikt iber gants der zait taich, fun Tifsach un biz Azah, iber ale mlochim fun der zait taich; un er hot gehat sholem fun ale zaine zaitn rund arum. 5 un Yehudah un Yisroel zainen gezesn in zicherkeit, itlecher unter zain vainshtok un unter zain faignboim, fun Dan biz Beer-Sheva, ale teg fun Shlomoen. 6 un Shlomo hot gehat fertsik toiznt shtaln ferd far zaine raitvegn, un tsvelf toiznt raiter. 7 un yene geshtelte flegn oishaltn dem melech Shlomo, un itlechn vos genent tsum tish fun melech Shlomo, itlecher in zain choidesh; zei flegn nisht farfeln kein zach. 8 oich gershtn un shtroi far di ferd un far di yogferd flegn zei brengen in dem ort vuhin es hot gehert, itlecher loit vi er hot gedarft.

9 un Elokim hot gegebn Shlomoen chochme un farshtandikeit zeyer fil, un breitkeit fun harts azoi vi der zamd vos oifn breg fun yam. 10 un Shlomos chochme iz geven greser fun der chochme fun ale kinder fun mizrech, un fun al der chochme fun Mitsrayim. 11 un er iz geven kliger fun ale mentshn, fun Eitan dem Ezrachi, un Heman, un Kalkol, un Darda, di zin fun Macholn. un er hot gehat a Shem tsvishn ale felker rund arum. 12 un er hot gezogt drai toiznt mashalim. un zaine lider zainen geven toiznt mit finf. 13 un er hot geredt iber beimer, fun dem tseder vos in Levanon un biz dem eizov vos vakst arois fun vant. un er hot geredt iber beheimes, un iber foiglen, un iber shrotsim, un iber fishn. 14 un fun ale umes iz men gekumen hern Shlomos chochme – fun ale mlochim fun der erd vos hobn gehert fun zain chochme.

15 un Churam der melech fun Tsor hot geshikt zaine knecht tsu Shlomoen, vorem er hot gehert az me hot im gezalbt far a melech oif zain foters ort; vail a guter fraint iz Churam geven Dovidn ale teg. 16 hot Shlomo geshikt tsu Chiromen, azoi tsu zogn: 17 du host gekent main foter Dovidn, az er hot nisht gekent boien a hoiz tsu dem nomen fun Hashem zain G-t fun vegen di milchomes vos hobn im arumgeringlt, biz Hashem hot zei gegebn unter di trit fun maine fis. 18 un atsund hot Hashem main G-t mich barut fun rund arum; nishto kein shter un kein beiz bagegenish. 19 un ot tracht ich tsu boien a hoiz tsu dem nomen fun Hashem main G-t, azoi vi Hashem hot geredt tsu main foter Dovidn, azoi tsu zogn: dain zun vos ich vel gebn oif dain tron oif dain ort, er vet boien dos hoiz tsu main nomen, 20 un atsund, bafel me zol oishakn far mir tsedern fun Levanon, un maine knecht veln zain mit daine knecht; un dem loin fun daine knecht vel ich dir gebn vifel du vest zogn: vorem du veist az tsvishn undz iz nishto keiner vos farshteit tsu hakn holtsn azoi vi di Tsidonim.

21 un es iz geven, vi Churam hot gehert di verter fun Shlomoen, azoi hot er zich zeyer derfreit, un er hot gezogt: Baruch Hashem haint, vos er hot gegebn Dovidn a klugn zun iber dem dozikn groisn folk. 22 un Churam hot geshikt tsu Shlomoen, azoi tsu zogn: ich hob gehert vos du host geshikt tsu mir; ich vel ton al dain farlang, in tsederholts un in tsipresnholts. 23 maine knecht veln zei aropnideren fun Levanon tsum yam, un ich vel zei machn in plitn tsu gein mitn yam biz dem ort vos du vest mir onvaizn, un dortn vel ich zei funanderraisn, un du vest zei aveknemen. un du vest ton main farlang tsu gebn broit far main hoiz. 24 un Churam hot gegebn Shlomoen tsederholts un tsipresnholts loit al zain farlang. 25 un Shlomo hot gegebn Chiromen tsvantsik toiznt kor veits, shpaiz far zain hoiz, un tsvantsik kor geshlogene eil. azoi flegt Shlomo gebn Chiromen yor in yor. 26 un Hashem hot gegebn Shlomoen chochme azoi vi er hot im gezogt. un es iz geven sholem tsvishn Chiromen un tsvishn Shlomoen; un zei hobn beide geshlosn a bris.

27 un der melech Shlomo hot oifgenumen a tsindz fun gants Yisroel, un der tsindz iz geven draisik toiznt man. 28 un er hot zei geshikt oifn Levanon tsu tsen toiznt man a choidesh, gebitn: ein choidesh flegn zei zain oifn Levanon tsvei chodeshim in der heim. un Adoniram iz geven iber dem tsindz. 29 un Shlomo hot gehat zibetsik toiznt lasttreger, un achtsik toiznt shteinheker in di berg. 30 achuts Shlomos ibergeshtelte vos iber der arbet, drai toiznt un drai hundert, vos hobn geveltikt iber dem folk vos tut di arbet.

31 un der melech hot bafoiln, un me hot oisgebrachn groise shteiner, taiere shteiner, tsu gruntfestn dos hoiz mit gehakte shteiner. 32 un di boimainsters fun Shlomo un di boimainsters fun Chiromen, un di Gevalim hobn oisgehakt, un hobn tsugegreit di holtsn un di shteiner oif tsu boien dos hoiz.