1 Awa ndo watambika yawatuliti vimaniziya muhamba, gwa kwanja Nehemia mwana gwa Hakalia shakapanu Sedekia,

2 Seraya na Azaria na Yeremia,

3 Pashuri na Amaria na Malikiya,

4 Hatushi na Shebaniya na Maluki,

5 Harimu na Meremoti na Obadia,

6 Danieli na Ginetoni na Baruku,

7 Meshulamu na Abiya na Miyamini,

8 Maaziya na Biligai na Shemaya. 9 Na Walawi waweriti ndo,

Yeshua na mwana gwa Azania

Na Binui gwa wiwuka wa Henadadi

Na Kadimieli. 10 Na walawi wayawu yawatuliti saini ndo. Shebania na Hodia

Kelita na Pelaya na Hanani,

11 Mika na Rehobu na Hashabia,

12 Zakuri na Sherebiya na Shebania,

13 Hodia na Bani na Beninu. 14 Matawu ga walonguziya wa wantu gaweriti,

Paroshi na Pahati Mowabu

Eramu na Zatu na Bani,

15 Buni na Azigadi na Bebai,

16 Adoniya na Bigivai na Adini,

17 Ateri na Hezekia na Azuri,

18 Hodai na Hashumu na Bezai,

19 Harifu na Anatoti na Nebai,

20 Magipiashi na Meshulamu na Heziri,

21 Meshezabeli na Sadoki na Yadua,

22 Palatia na Hanani na Anaya,

23 Hoshea na Hananiya na Hashubu,

24 Haloheshi na Piliha na Shobeki,

25 Rehumu na Hashabina na Maaseya,

26 Ahia na Hanani na Anani,

27 Maluki, Harimu na Baana.

28 Wantu yawasigaliti na watambika na walawi na walolera migomi na wimba na wantumintumi wa Numba Nkulu ya Mlungu na wantu woseri yawalitula gweka na wantu wa isi za pakwegera, su wajimiri lagiru lya Mlungu pamuhera na wadala wawu na wana wawu na wahinga wawu na woseri yawaweriti na umani na luhala, 29 tuweriti shintu shimu na walongu wawu na wakulu wawu, na tulilapa kuwera hatufati lagiru lya Mlungu lyalilaviyitwi kupitira Musa ntumintumi gwa Mlungu. Na hatukoli lagiru na matakulu goseri ga Mtuwa Mlungu, Mtuwa gwetu.

30 Wahinga wetu hapeni tuwayugiziyi kwa wantu wa maisi aga na pota wantemba wetu wapalu hapeni wayugi wahinga wawu.

31 Payiwera wantu wa maisi gamonga wankujega vintu ama shiboga kushuwuza lishaka lya kwoyera, twenga hapani twehemeri lishaka ali pota lishaka limonga lyoseri lyaliwera linanagala.

Kila shinja sha saba hapeni tulimi pota kuwashonga wantu.

32 Tulitulira lagiru lya kulaviya gramu msheshi za madini ga feza kila shinja toziya ya kulolera Numba nkulu ya Mlungu gwetu.

33 Viraavirii hatulaviyi mabumunda mananagala na tambiku za viboga na tambiku za kulunguziwa na tambiku za lishaka lya kwoyela na misambu ya mwezi kulawa na misambu imonga yayitulitwi na vintu vimonga vinanangala na tambiku za kuwusiya vidoda, su kuwakolaniziya wantu wa Israeli na kwa mahengu goseri ga Numba Nkulu ya Mlungu gwetu.

34 Twenga na wantu woseri na watambika na Walawi tugalambuliti simbi su tuvimana lukolu loshi halujegi mbawu za kulunguziwa tambiku mushitalawanda sha Mtuwa Mlungu, Mlungu gwetu, ntambu yayilembitwi mulagiru.

35 Twankulonga kila shinja hatujegi viboga vya kwanja vya kubenanga na mabwajubwaju ga kwanja ga kwapa hatugajegeri kunumba ya Mtuwa Mlungu.

36 Ntambu yayilembitwi mulagiru, hatuwajegi wiwuka wetu wa kwanja washipalu munumba zyetu kwa watambika yawatenda lihengu amu su wapungwi kwa Mtuwa Mlungu. Vilavilii hatujegi wiwuka wa kwanja wa ng'ombi wetu na wakondolu wetu na wambuzi wetu,

37 Vilavilii hatujegi kwa Watambika viboga vya kwanja vya mabenangu na viboga vya kwanja vya malambu getu na tambiku zyetu za viboga na mabwajubwaju ga mitera yetu yoseri na divayi yetu yasyayi na lipaki.

Na hatujegi lifungu lya lilongu lya viboga vyetu kwa Walawi toziya womberi ndo yawasyaguliti wapiti muvijiji vyetu watoli mafungu aga ga lilongu. 38 Mtambika, mwiwuka gwa Aroni, hakaweri na Walawi pawanka mafungu aga ga lilongu. Shakapanu Walawi hawajegi seemu yalifungu lya lilongu lyalilaviwitwi hawapapi na kutula muvyumba vya kutulira vintu vya Numba nkulu ya Mlungu. 39 Wantu wa Israeli na Walawi hawagajegi malaviwu ga viboga na divai na lipaki lya zeituni kuvyumba vyavilikala vintu vinanagala na walolera migomi mikulu na wimba.

Na mashaka goseri hapatuyilyaluwi numba ya Mlungu gwetu.