1 Shakapanu, wakulu wa wantu yawalikaliti kumji gwa Yerusalemu na wantu wamonga, wagalambuliti simbi na muntu yumu pakati pa wantu lilongu kizi kulikala Yerusalemu, mji mnanagala na wamonga tisa yawasigaliti waweriti walikali mumiji yawu weni. 2 Wantu wawazyuma woseri walii yawafiriti weni kulikala Yerusalemu. 3 Ata hangu mumiji yimonga wantu wamonga wa Israeli na watambika na Walawi na walolera na wiwuka wa wantumintumi wa Selemani wendereyiti kulikala muisi zawu na kila yumu pahala pakuyi mweni. 4 Wantu wa likabila la Yuda ndo:

Ataya, mwana gwa Uzia na mzukulu gwa Zekaria. Wazewi wamonga ndo Amaria na Mahalaleli, wiwuka wa Yuda mwana gwa Peresi.

5 Viraa Maaseya yakiwukiti na Baruki na mzukulu gwa Kolihoze mwana gwakuyi Hazaya na mwana gwakuyi Adaya na mwana gwakuyi Yoyaribu na mwana gwa Zekaria, mwiwuka gwa Shela.

6 Wiwuka woseri wa Peresi yawalikaliti kumji gwa Yerusalemu waweriti wapalu wavikambaku miya msheshi sitini nanani. 7 Wantu wa lukolu lwa Benjamini yawalikaliti Yerusalemu ndo awa.

Salu mwana gwa Meshulamu, mwana gwa Yoedi, mwana gwa Pedaya, mwana gwa Kolaya, mwana gwa Maaseya, mwana gwa Itieli, mwana gwa Yeshaya.

8 Shakapanu waweriti Gabai na Salai.

Walanga yawu ndo miya tisa na ishilini nanani. 9 Yoeli mwana gwa Zikiri kaweriti ndo mkulu gwawu na Yuda mwana gwa Hesenuya kaweriti mkulu gwa pili gwa mji. 10 Watambika yawalikaliti Yerusalemu waweriti:

Yedaya mwana gwa Yoyaribu na Yakini,

11 Seraya mwana gwa Hilikiya na mwana gwa Meshulamu na mwana gwa Sadoki na mwana gwa Merayoti na mwana gwa Ahitubu mgolokela gwa numba nkulu ya Mlungu, 12 pamuhera na walongu wawu yawatenda lihengu munumba nkulu ya Mlungu, waweriti wantu miya nani ishilini na mbili. Viraavirii,

kuweriti na Adaya mwana gwa Yerohamu, mwana gwa Pelaliya, mwana gwa Amzi, mwana gwa Zekaria, mwana gwa Pashuri, mwana gwa Malikiya, 13 Viraavirii kuweriti walongu wawu yawaweriti wakulu wa wantu wa watati wawu, woseri pamuhera waweriti wantu miya mbili na arobaini na mbili.

Viraavirii waweriti Amashisai mwana gwakuyi Azareli, mzukulu gwa Ahizai, mwana gwakuyi Meshilemoti, mwana gwakuyi Imeri, 14 pamuhera na walongu wawu, woseri waweriti miya yimu na ishilini nanani, wantu vikambaku vya kugenda kunkondu. Na mkulu gwawu kaweriti Zabidieli mwana gwa Hegedolimu. 15 Walawi yawalikaliti kumji gwa Yerusalemu waweriti:

Shemaya mwana gwa Hashubu na mwana gwa Azirikamu na mwana gwa Hashabiya na mwana gwa Buni.

16 Shabetayi na Yozabadi wakulu wawili wa Walawi, weni wagolokeliti mahengu ga kunja ga numba nkulu ya Mlungu.

17 Mataniya mwana gwa Mika, mwana gwa Zabidi, mwiwuka gwa Asafu yakaweriti mlonguziya gwa wimba, kaweriti mkulu shaka sha kuluwa kulonga mayagashi.

Bakibukiya kaweriti mtanga gwakuyi.

Pamuhera na awa kaweriti Abida, mwana gwa Shamuwa, mwana gwa Galali mwiwuka gwa Yedutuni.

18 Walawi woseri yawalikaliti kumji gwa Yerusalemu, mji mnanagala waweriti miya mbili na semanini na msheshi. 19 Walolela wa migomi mikulu yawalikaliti Yerusalemu waweriti:

Akubu na Talimoni na walongu wawu yawaloleriti migomi mikulu, waweriti miya yimu na sabini na mbili.

20 Waisraeli yawasigaliti, pamuhera na watambika na Walawi yawalikaliti muisi ya Yuda, kila yumu kalikala pahala pakuyi pakabaguliritwi na tati gwakuyi. 21 Kumbiti wantumintumi wa numba nkulu ya Mlungu walikaliti Yerusalemu pahala papashemitwi Ofeli waweriti pasi pa ugolokera wa Ziha na Gishipa.

22 Mkulu gwa Walawi yakalikaliti Yerusalemu kaweriti Uzi mwana gwa Bani mzukulu gwa Hashabiya. Wambuyi wakuyi waweriti Mataniya na Mika, woseri awa waweriti wa lukolu lwa Asafu, lukolu lweni luweriti lwankulaviya tendera ya kwimba mnumba nkulu ya Mlungu. 23 Kuweriti na lagiru kulawa kwa mfalumi lyalilonguziya lukolu loshi halutola shipindi sha kwimba Munumba Nkulu ya Mlungu kila lishaka.

24 Petahia mwana gwa Meshezabeli, yumu gwa wiwuka wa Zera gwa likabila lya Yuda, kaweriti mtakulila gwa wantu wa Yuda.

25 Wantu wamonga walikala mumji ya yapakwegera na malambu gawu. Wantu muwa wa likabila lya Yuda walikaliti Kiriati Ariba na Diboni na Yekabizeeli pamuhera na vijiji vyaviwera pakwegera miji ayi. 26 Wamonga walikaliti mumiji ya Yeshua na Molada na Beti Peleti, 27 Hazari Shuali na Beeri Sheba na vijiji vyawawazyengekiti miji ayi. 28 Wamonga walikaliti mumji gwa Zakilagi na Mekona na vijiji vyaviwazengeta. 29 Wamonga waweriti mumiji ya Eni Rimoni na Sora na Yarimuti, 30 Zanoa na Adulamu pamuhera na vijiji vyaviyizengeta miji ayi, mu Lakishi na malambu gakuyi na mu Azeka pamuhera na vijiji vyaviwazengeta miji ayi. Hangu ilanguziya kuwera wantu wa Yuda walikiti pakati pa Beeri Sheba mpaka lulalanda lwa Hinomu.

31 Wantu wa likabila lya Benjamini walikaliti Geba na Makimashi na Ai na Beteli na vijiji vyaviwazengeta mji agu. 32 Wamonga walikaliti Anatoti na Nobu na Anania, 33 Hazori na Rama na Gitaimu, 34 Hadadi na Seboimu na Nebalati, 35 Lodi na Ono lyaliweriti mululalanda lwa wanyawa vintu. 36 Walawi wamonga wa Yuda walikaliti pamuhera na likabila lya Benjamini.