144,000 ईस्रायल माणहु
1 अळतेण मे धरती ना च्यारोव खुणा पोर च्यार ह़रगदुत उबा हय रेला देख्यो। तीहया धरती नी च्यारो-मेर नु वाहळु रोक र्या हता काहाके धरती अने दर्या अने काना बी झाड़का पोर वाहळु नी लागे।7:1 यीरम्या 49:36; दानीयल 7:2; जकर्याह 6:5 2 अळतेण मे एक अळी बीजा ह़रगदुत ने जीवत्ला भगवान ना सीलटप्पा लीन उगवणो गेथो उपर आवते देख्यो; तीहयो तीहया च्यारोव ह़रगदुत ने जीमने धरती अने दर्या नु नुकसान करवा नो हक आपलो हतो, उचा बोल सी आड़ीन केदो, 3 "जत्यार तक आमु अमारा भगवान ना चाकर्या ना नींडाळे सीलटप्पो नी लगाड़ दीया, तांह तक धरती अने दर्या अने झाड़का नु नुकसान नी करजो।"7:3 यहेजकेल 9:4,6 4 जीमनी पोर भगवान नो सीलटप्पो लागलो से मे तीमनी गीनती ह़मळ्यो, मतलब ईस्रायली नी अवल्यात ना आखा घोराणा जात्या माय्न एक लाख चाळीह़ ने च्यार हजार पोर सीलटप्पा लगाड़ला से: 5 एक-एक जाती माय्न बारे हजार पोर सीलटप्पो लगाड़्या, यहुदा ना जात्या माय्न बारे हजार पोर सीलटप्पा लगाड़ला से; रुबेन ना जात्या माय्न बारे हजार पोर, अने गाद ना जात्या माय्न बारे हजार पोर, 6 आसेर ना जात्या माय्न बारे हजार पोर, नप्ताली ना जात्या माय्न बारे हजार पोर, मनस्सीह ना जात्या माय्न बारे हजार पोर, 7 सीमोन ना जात्या माय्न बारे हजार पोर, अने लेवी ना जात्या माय्न बारे हजार पोर, ईस्साकार ना जात्या माय्न बारे हजार पोर, 8 जबुलुन ना जात्या माय्न बारे हजार पोर, अने युसुफ ना जात्या माय्न बारे हजार पोर, अने बीन्यामीन ना जात्या माय्न बारे हजार पोर सीलटप्पा लगाड़्या।
धोळ्ळा लुगड़ा मे मोट्ली भीड़
9 अळतेण मे भाळ्यो, अने देखो, एक-एक जाती अने घोराणा अने भासा मे गेथी एक एवी मोट्ली भीड़, जीने कोय गीण नी सके, धोळ्ळा लुगड़ा पेरीन अने हात मे खजुरा ना डाळ्या लीन राजगादी नी अने गाडरु नी अगळ उबी हय री हती, 10 अने उचा बोल सी आड़ीन केय, "छुटकारा जुगु अमारा भगवान नी, जे राजगादी पोर बह र्यो, अने गाडरु नी जय-जयकार हये!" 11 अने आखा ह़रगदुत तीहयी राजगादी अने पेल्ना वारा ना माणहु अने च्यारोव जीव नी च्यारो-मेर उबा हय र्या; अळतेण तीहया मोडा ना भरहे पड़ ज्या अने भगवान नी बड़ाय कर्या। 12 अने केदा, "आमीन! अमारा भगवान नी बड़ाय, अक्कल अने घणो वारु से केवा, अने ईज्जत, अने ताखत, अने सक्ती जलमकी बणली रेय। आमीन!"
13 ता पेल्ना वारा ना माणहु माय्न एक जणो मने केदो, "आहया धोळ्ळा लुगड़ा पेरला कोय से? अने कां गेथा आवला से?"
14 7:14 मत्ती 24:21; मरकुस 13:19 मे तीने केदो, "ए मालीक, तुत जाणे।" तीहयो मने केदो, "आहया तीहया माणहु से, जे घण-जबर दुख मे गेथा आरगला नीकळीन आवला से;7:14 दानीयल 12:1; मत्ती 24:21; मरकुस 13:19 आहया आह़फा-आह़फाम ना लुगड़ा गाडरु ना लोय मे धोवीन धोळ्ळा करला से। 15 आनीत करते तीहया भगवान नी राजगादी अगळ से, अने तीना मंदीर7:15 मतलब, चोखलो जागो मे रात-दाड़ो तीनी चाकरी करे, अने जे राजगादी पोर बह र्यो, तीहयो तीनी हजरी मे तीमनी रखवाळी करहे। 16 तीहया अळतेण कदी भुकला अने तरहेला नी हये; अने नी ते दाहड़ु अने नी ते हहळत्लो तोप धपाड़ सके।7:16 यसाया 49:10 17 काहाके जे गाडरु राजगादी नी वच मे से तीमनो गुवाळ्यो रेहे,7:17 भजन सहीता 23:1; यहेजकेल 34:23 अने तीमने जीवाय ना झोरुनतां ली ज्या करहे; अने भगवान तीमना डोळा ना आखा आंहवा नुस देहे।"