उत्पत्ति 27

41 एसाव अपने भईय्या से बाके दऊवा के दै भै आसीर्वाद के बजह से बैर रखन लगो। बौ सोची, "मेरे दऊवा की मौत मैं सोक मनान को समय झोने आए गौ है; फिर मैं अपने भईय्या याकूब कै मार डारंगो।"

42 लेकिन जब रिबका कै बाके बड़े लौड़ा एसाव की जे बात बताई गई, "तौ बौ सेवक कै भेजकै अपने छोटे लौड़ा याकूब कै बुलाई। रिबका बासे कही, देख, तेरो भईय्या एसाव तोकै मार डारन की योजना बनाए रौ है। 43 अब मेरे लौड़ा, मेरी बात सुन। तैं मेरे भईय्या, लाबान के झोने हारान नगर मैं चलो जा। 44 और कुछ दिन बाके झोने रहा, जब तक तेरे भईय्या को गुस्सा सांत ना ही जाबै 45 और बौ भूल जाबै कि तू बाके संग का करो है। तौ मैं तोकै वापस लान के ताहीं कोई कै भेजंगो। मोए अपने दोनों लौड़ा कै एकै दिन मैं काहे खोने है?"