1 Ingingo nkuru mu byo tuvuga ni iyi, dufite Umuheerezabitambo Mukuru, wiicaye iburyo bw'Intebe y'Ubwami ikomeye yo mu ijuru. 2 N'Umuheereza Mukuru ukorera aheera caane kandi no mu ihema nyakuri iryo Nyagasani yashizeho atari undi muntu weese urishizeho.

3 Kuko Umuheerezabitambo Mukuru weese atooranyirizwa guheereza amatuuro n'ibitambo. Ni yo mpamvu, bikwiriye ko uyu Muheerezabitambo Mukuru na we agira ico yaatuura. 4 Iyo aza kuba ari ku isi, ntaabwo yari kuba Umuheerezabitambo na hato, kuko hari abaheerezabitambo bagenewe gutuura amatuuro bakurikije amategeko. 5 Imirimo bakora ni ikigereranyo kigaragaza ibyo mu ijuru. Igihe Moose yari agiiye kurema ihema Imaana yaramubwiye iti, "Mu byo uri bukore byose, ureebe ngo ukurikije iciitegererezo weeretswe ku musozi." 6 Ariko Yesu ubu amaze guhaabwa ubuheereza buruta ubw'abandi baheerezabitambo, kuko ni we uduhuuza n'Imaana mu seezerano rihebuuje ryayo rishingiye ku maseezerano ahebuuje aruta aya keera.

7 Kuko iyo iseezerano rya mbere ritaaza kugira inenge, ntibyakabaaye ngombwa ko hashaakwa irindi rya kabiri. 8 Ariko Imaana igaya abantu baayo ibabwira iti,

"Dore iminsi igiiye kuuza, ni ko Uhoraho avuga,

ubwo nzaashiraho iseezerano risha n'inzu ya Isirayeli hamwe n'inzu ya Yuda.

9 Ntirizaaba nk'iryo naseezeranye na ba seekuruza

umunsi nabafashe ukuboko nkabakuura mu gihugu ca Igiputi,

kuko ntibaagumye mu iseezerano ryanje

nuuko bigatuma ntabiitaho. Ni ko Uhoraho avuga.

10 Iri ni ryo seezerano nzaaseezerana n'inzu ya Isirayeli

nyuma y'iyo minsi, ni ko Uhoraho avuga.

Nzaashira amategeko yanje mu biteekerezo byabo,

kandi nyandike ku mitima yaabo,

kandi nzaaba Imaana yaabo

na bo bazaaba abantu banje.

11 Kandi ntibaziigiishanya

cangwa ngo babwirane bati,

‘Menya Uhoraho’

kuko boose bazaamenya,

uheereye ku woroheje muri bo ukageza ku ukomeye.

12 Nzaabababarira ibicumuro byabo,

ibyaha byabo sinzaabyibuka ukundi."

13 Ubwo Uhoraho yavuze iseezerano risha, ni ukuvuga ngo, iryambere ntirigikoreeshwa. Kandi ikitagikoreeshwa kiba gishaaje, kikaba ari ico kuvaho burundu.